Од 2026 ќе се плаќа казна дури и ако зборуваш на телефон додека пешачиш

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од 2026 ќе се плаќа казна дури и ако зборуваш на телефон додека пешачиш

28 август 2025

• од Станча Јаќимовски

Се чини дека во Македонија веќе не остана ништо што нема да биде предмет на казни, контроли и апсурдни закони. По сѐ изгледа, државата наместо да се справува со вистинските проблеми како сиромаштијата, корупцијата и масовното иселување на младите, реши да го гуши и она малку слобода што им остана на граѓаните.

Министерот за внатрешни работи Панче Тошковски најави дека од 2026 година ќе стапи на сила законска забрана за користење мобилни телефони и електронски уреди – не само за возачите, туку и за пешаците и велосипедистите. Да, добро прочитавте: и ако сте пешак што чекори по улица и зборува на мобилен телефон – ќе бидете казнети.

Казни за обичниот човек – додека криминалот цвета

Според најавите, забраната ќе важи за сите – возачи на автомобили, моторцикли, велосипеди, трактори, па дури и за оние кои само преминуваат улица или одат по велосипедска патека со телефон во рака. Властите ова го нарекуваат дел од проектот „Безбеден град“, со цел наводно да се намали бројот на сообраќајни прекршоци.

Но, народот со право се прашува: дали навистина ова е приоритет? Дали казнувањето на пешаци кои зборуваат на телефон е најголемиот проблем на нашите улици? Додека мафијата си ја води државата, политичарите си полнат џебови, а младите со билет во еден правец ја напуштаат земјата – властите се занимаваат со тоа дали некој пешак зборува на мобилен додека чека семафор.

Македонија – земја на апсурди

Со секој нов ваков потег, Македонија станува сѐ повеќе држава на апсурди и закони што го уништуваат секојдневието на обичниот граѓанин. Наместо да се подобри инфраструктурата, да се направат безбедни пешачки премини и велосипедски патеки, да се намалат дупките и хаосот во сообраќајот – државата избира да ги казнува оние кои едвај врзуваат крај со крај.

Оваа мерка е уште еден удар врз народот што одамна е изморен, обесправен и обесхрабрен.

Очигледна порака: „Ќутете и трпете“

Со ваквите закони властите испраќаат јасна порака: граѓанинот нема право ни да се движи нормално, а камоли да живее достоинствено. Сѐ што останува е очајот, чувството дека Македонија повеќе не е место за живот, туку простор за казни, репресија и безнадежност.