Од Бељаковце до Деве Баир без пруга, а Николовски тврди: Бугарскиот дел е слепа улица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од Бељаковце до Деве Баир без пруга, а Николовски тврди: Бугарскиот дел е слепа улица

05 февруари 2025

• од Гоце Кически

Македонската јавност повторно е сведок на уште едно ветување без конкретна реализација, овојпат во врска со заедничката изградба на тунелот на железничката пруга од Коридорот 8. Вицепремиерот и министер за транспорт, Александар Николовски, денеска изјави дека сè уште нема постигнат договор, но „прашање на време“ е кога ќе се излезе со позитивни вести. Оваа изјава, иако на прв поглед оптимистичка, остава многу прашања и сомнежи за вистинските чекори кои се преземаат.

Николовски нагласува дека интензивните разговори со бугарската страна се во тек и дека е „прашање на недели, а не на месеци“ до постигнување на договор. Но, ваквите изјави не се новост во македонската политичка сцена. Историски, ваквите „на прагот на договор“ изјави честопати се покажале како тактики за одложување на решавањето на реалните проблеми.

Додека министерот се фокусира на договори и идни планови, фактите покажуваат драматична асиметрија во напредокот помеѓу двете страни. На бугарската страна, повеќето од тунелот за железничката инфраструктура е ископан уште пред неколку децении, а железничката линија од Софија до границата со Македонија функционира и денес, со возови што сообраќаат неколку пати дневно.

Иако неодамна беше отворена нова железничка делница од Куманово до Бељаковце, финансирана главно со грантови од Европската унија, таа не функционира. Фрапантен е фактот дека и на главната линија од Скопје до Бељаковце нема возови – што покажува дека македонскиот железнички систем се соочува со основни и системски проблеми.

Изјавата на Николовски е типичен пример за политичка реторика без доволно основа во реалноста. Додека Бугарија веќе има функционална железничка линија која се поврзува со границата, Македонија не само што е далеку од изградба на тунел, туку и новоизградените делници, како таа од Куманово до Белјаковце, остануваат нефункционални.

За тунелот на Коридорот 8 да стане реалност, потребни се конкретни чекори, транспарентност и стратегија базирана на реални можности, а не на политички игри и празни ветувања.