Од утре ЈСП со изменет возен ред поради празниците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од утре ЈСП со изменет возен ред поради празниците

30 декември 2025

• од Станча Јаќимовски

ЈСП Скопје информира дека поради новогодишните празници ќе има измени во возниот ред на јавниот превоз, како и во работното време на билетарниците, центрите за персонализација и жичницата.

Изменет возен ред на јавниот превоз

Во среда (31 декември 2025 година) јавниот превоз ќе сообраќа по редовен зимски возен ред.
Во четврток (1 јануари 2026 година) автобусите ќе сообраќаат по неделен возен ред, при што првите вклучувања на возилата, и на ЈСП и на приватните превозници, ќе бидат подоцна од вообичаено.
Од петок (2 јануари 2026 година) јавниот превоз ќе сообраќа по редуциран делничен зимски возен ред, кој ќе важи до крајот на зимскиот училиштен распуст.

Работно време на билетарници и центри за персонализација

31 декември (среда) – шесте центри за персонализација и билетарниците на Зелен пазарче, Бутел пазар и во Ѓорче Петров ќе работат до 16:00 часот, додека останатите билетарници ќе работат само прва смена до 14:00 часот.
1 јануари (четврток) – дежурни ќе бидат:
- Центарот за персонализација во Транспортен центар (од 11:00 до 17:00 часот)
- Билетарницата на Жичница (од 11:00 до 17:00 часот)
Од 2 јануари (петок) – продолжува редовното работно време.

Работно време на Жичницата

Жичницата утре ќе работи од 10:00 до 15:00 часот, а на 1 јануари од 11:00 до 17:00 часот.
Последното возење во двата правци (од долу кон горе и од горе надолу) е во 16:30 часот.

Први вклучувања на автобусите на 1 јануари

Од ЈСП објавија и детална листа со термините на првите вклучувања на градските и приградските линии на 1 јануари 2026 година. Дел од линиите ќе започнат со сообраќај во раните утрински часови, додека други ќе стартуваат подоцна, во согласност со неделниот празничен возен ред.

Исто така, објавени се и измените кај приватните превозници, каде дел од линиите ќе започнат со работа од втора смена, а одредени линии воопшто нема да сообраќаат на 1 јануари.

Од ЈСП апелираат граѓаните навремено да се информираат за возниот ред и да ги планираат своите патувања согласно празничниот режим на сообраќај.