„Одредете си цена за вашите деца“ – Родители со шокантни обвинувања против премиерот Мицкоски по средбата во Владата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Одредете си цена за вашите деца“ – Родители со шокантни обвинувања против премиерот Мицкоски по средбата во Владата

18 јули 2025

• од Станча Јаќимовски

Родителите на трагично загинатите млади во пожарот што ја зафати дискотеката „Пулс“ во Кочани јавно се огласија со потресно сведоштво за средбата што ја имале со премиерот Христијан Мицкоски во понеделникот во Владата на Република Македонија. Детали од средбата, објавени преку социјалните мрежи, предизвикаа бурни реакции во јавноста.

Според сведочењето на родителите, средбата првично требала да се одржи во Кочани, но од Владата добиле одговор дека поради „безбедносни причини“, премиерот не може да патува и состанокот мора да се одржи во Скопје.

Но, она што следело на самата средба оставило, како што велат родителите, длабока болка и понижување.

„Премиерот ни се обрати со зборовите: ‘Одредете си цена за вашите деца’... Тоа беше како нож во отворена рана. Газење врз спомените, врз болката, врз човечкото достоинство,“ наведуваат родителите во своето јавно обраќање.

Тие го нарекоа однесувањето на Мицкоски монструозно и без елементарна емпатија, додавајќи дека очекувале човечки пристап, разбирање и конкретни мерки за одговорност, а наместо тоа добиле „омаловажување и цинизам“.

Во нивното обраќање се наведува и следново:

„Ние не сме таму да пазариме. Ние сме таму затоа што ни ги снема децата. Ни снема иднината. Ниту една сума не може да ги врати. Ова беше вторпат да ги убијат – првиот пат во дискотеката без излез, вториот пат – со тие зборови.“

Родителите порачаа дека нема да престанат да ја бараат вистината и одговорноста за трагедијата што однесе животи на нивните најмили, и побараа формирање независна истражна комисија, јавна објава на сите надлежности и дозволи поврзани со објектот, како и институционална одговорност за пропустите.

Сѐ уште нема официјален одговор од Кабинетот на премиерот Мицкоски за овие тешки обвинувања.

Оваа средба, наместо да донесе олеснување за скршените семејства, отвори нови рани и предизвика лавина од реакции на социјалните мрежи и во јавноста, каде граѓани и здруженија бараат одговорност и извинување.