Одржливо управување со отпадот: Како Шведска и ЕУ помагаат во чистењето на С. Македонија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Одржливо управување со отпадот: Како Шведска и ЕУ помагаат во чистењето на С. Македонија?

01 април 2025

• од Гоце Кически

Во рамки на проектот „Одржливо управување со отпадот на локално ниво“, денес во Скопје ќе се одржи конференција посветена на одржливото управување со отпадот, под наслов „Преобмислување на отпадот – од предизвици до одржливи решенија“.

Конференцијата ќе ја отвори амбасадорката на Кралството Шведска, Ами Ларсон Џеин, а воведни обраќања ќе имаат првиот вицепремиер и министер за животна средина и просторно планирање, Изет Меџити, заменик-министерот за локална самоуправа, Ерџан Селими, извршната директорка на Здружението на единиците на локалната самоуправа (ЗЕЛС), Душица Перишиќ, како и Штефен Худолин, шеф за соработка во Делегацијата на Европската Унија во Северна Македонија и Рајан Нокс, извршен директор на SALAR International.

На конференцијата ќе учествуваат градоначалници од повеќе плански региони во државата, меѓу кои градоначалникот на Куманово, Максим Димитриевски, градоначалникот на Прилеп, Борче Јовчески и градоначалникот на Новаци, Стевче Стевановски. Покрај нив, присутни ќе бидат и претставници на граѓанскиот сектор, бизнис заедницата, амбасади и меѓународни организации кои се дел од донаторската заедница во Северна Македонија.

Фокусот на конференцијата ќе биде ставен на подобрување на управувањето со отпадот во Северна Македонија. Главните теми за дискусија ќе вклучуваат затворање на постоечките депонии и ѓубришта, операционализирање на регионалниот систем за управување со отпад и неопходните реформи за воспоставување на долгорочно и одржливо решение.

Учесниците ќе разговараат за координацијата и соработката меѓу донаторската заедница, министерствата, општините, приватниот сектор и граѓанските организации, со цел ефикасно спроведување на реформите. Оваа конференција претставува значаен чекор кон креирање на политики и стратегии за одржливо управување со отпадот во земјата.

Проектот „Одржливо управување со отпадот на локално ниво“ е финансиран од Шведска и се реализира од страна на SALAR International во соработка со Министерството за животна средина и просторно планирање, Министерството за локална самоуправа и ЗЕЛС.