Општина Аеродром му даде рок од три дена на сопственикот на „Зимзоленд“ да ги отстрани реквизитите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Општина Аеродром му даде рок од три дена на сопственикот на „Зимзоленд“ да ги отстрани реквизитите

23 декември 2025

• од Станча Јаќимовски

Општина Аеродром му издаде решение на сопственикот на новогодишниот лунапарк „Зимзоленд“ со кое му се наложува во рок од три дена да ги отстрани поставените реквизити. Решението го донел општински инспектор, а се однесува на фирмата „Мега луна 25“ од Битола, која е задолжена самостојно да го дислоцира лунапаркот.

Од Општина Аеродром предупредуваат дека доколку опремата не биде отстранета во предвидениот рок, ќе следува присилно административно извршување. Сепак, од општината информираат дека сè уште немаат потврда дали решението е уредно доставено до сопственикот, што е клучно бидејќи рокот од три дена започнува да тече од моментот на доставата.

Доколку сопственикот не може да го прими решението, ќе биде известен преку јавна објава. По тоа, тој е должен веднаш, или најдоцна во рок од седум дена, да го извести инспекторот дали мерката е извршена.

Во меѓувреме, „Зимзоленд“ продолжува да работи, а полицијата сè уште истражува под кои услови. И покрај тоа што помина повеќе од една недела откако обвинителството побарало од Министерството за внатрешни работи да достави документација за да се утврди дали постојат елементи за кривично дело „предизвикување општа опасност“, до обвинителството сè уште не е доставен никаков материјал.

Од МВР велат дека преземаат мерки, додека од обвинителството информираат дека го чекаат исходот од постапувањето на полицијата.

Лунапаркот, според надлежните, работи речиси еден месец без дозвола од Град Скопје, а повеќе институции констатирале низа неправилности. Обвинителството отвори истрага откако се појавија сомнежи дека институциите не постапуваат согласно законските прописи.

Сопственикот на „Зимзоленд“, Панде Димов, ги негира тврдењата дека нема потребна документација и тврди дека ги поседува сите дозволи. Тој претходно најави дека лунапаркот ќе остане на локацијата најдоцна до 4 јануари и дека ќе продолжи со работа.