Османи: Македонија седи во прегратките на „Српскиот свет“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи: Македонија седи во прегратките на „Српскиот свет“

27 септември 2025

• од Станча Јаќимовски

Поранешниот министер за надворешни работи на Северна Македонија, Бујар Османи, изјави дека земјата сѐ повеќе се оддалечува од Европската унија и се движи кон сферата на таканаречениот „српски свет“. Во гостување во емисијата „Рубикон“ на Клан Косова, тој истакна дека јавниот дискурс за европските интеграции речиси целосно исчезнал од македонското општество.

Јавниот дискурс за ЕУ – исчезнат

„Северна Македонија навистина се наоѓа на една сериозна крстосница, и тоа во геополитичка смисла. Работите се во многу лоша состојба, бидејќи разговорот за ЕУ повеќе не постои. Јас секогаш сум велел дека проблемите за Македонија ќе почнат тогаш кога Европската унија ќе престане да биде победничка карта на изборите“, рече Османи.

Тој додаде дека Албанците во државата традиционално биле најголеми поддржувачи на европската перспектива, додека политичките партии со македонска база ја избегнуваат оваа тема.

Алтернативата: ЕУ или „српскиот свет“

Османи објасни дека партијата ВЛЕН не успеала да ги исполни своите ветувања за придвижување на процесот кон Брисел, со што единствено неговата партија останала глас кој ја одржува темата за европските интеграции.

„Проблемот е што отстапувањето од европскиот пат не те остава во празнина, туку те насочува во друг правец. Алтернативата е или ЕУ или српскиот свет – нема никаква празнина меѓу нив. Секој чекор наназад од ЕУ е чекор напред кон српскиот свет. Затоа Албанците секогаш биле најпроевропски расположени“, нагласи тој.

Македонија „во прегратките на Србија“

Според Османи, ова веќе не е само теоретска претпоставка, туку реалност која може да се почувствува во секојдневниот политички живот.

„Албанците, свесно или потсвесно, знаат дека прекинот на европскиот пат значи приближување кон Белград. Тоа веќе го гледаме во практичниот живот – целосно седиме во прегратките на српскиот свет, политички и во секој друг аспект“, изјави тој.