Османи: Во Чаир има општонароден отпор кон Мицкоски, по изборите ќе преговараме за заедничко владеење

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи: Во Чаир има општонароден отпор кон Мицкоски, по изборите ќе преговараме за заедничко владеење

22 септември 2025

• од Станча Јаќимовски

Кандидатот за градоначалник на Чаир и висок функционер на ДУИ, Бујар Османи, најави дека веднаш по изборите ќе започнат преговори за заедничко владеење, и покрај тоа што премиерот Христијан Мицкоски и владата јавно тврдат дека за оваа партија нема место на „Илинденска“.

Критики кон Мицкоски

Османи остро го нападна премиерот, обвинувајќи го дека испраќа двојни пораки – едни во јавноста, а други преку посредници. Според него, Мицкоски со тоа испраќал понижувачки пораки кон Албанците, дека „едни ќе земе, а други ќе остави“, што, како што нагласи, е навреда која ја допира сржта на достоинството на албанскиот народ.

„Таква навреда, дека премиерот ќе земе некои Албанци, а други ќе ги извади, стигнала длабоко до чувствата на луѓето. Јас ја гледам фрустрацијата, во Чаир има општонароден отпор кон него“, изјави Османи.

Преговори по изборите

Тој потенцираше дека веднаш по изборите, победниците кај Албанците ќе седнат на маса за преговори, бидејќи „ова не е ничија држава и Влада за некој да ги земе, а некој да ги извади Албанците“. Според Османи, главната цел на тие преговори ќе биде заедничко владеење, со цел да се одблокираат процесите за европска интеграција на земјата.

Обвинувања за страв и паника

Во својот настап Османи ја коментираше и изјавата на владините претставници дека нема да има парламентарни избори, толкувајќи ја како „знак на страв и паника“. Според него, тоа е обид да се исплашат граѓаните со порака дека власта ќе остане, и ќе имаат проблеми ако не гласаат за нив.

Османи изјави дека според анкетите, соодносот е 3:1 во корист на опозицијата кај Албанците, и дека токму затоа премиерот настојува да испрати различни пораки – една официјална и една преку посредници.