Осум млади лица приведени по масовна тепачка во центарот на Тетово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Осум млади лица приведени по масовна тепачка во центарот на Тетово

27 јули 2025

• од Станча Јаќимовски

Во доцните вечерни часови на булеварот „Маршал Тито“ во Тетово се случила масовна тепачка во која учествувале осум млади лица, при што едно лице било повредено со остар предмет. Инцидентот се случил околу 23:40 часот, по што полицијата веднаш интервенирала и ги привела сите инволвирани.

Секторот за внатрешни работи Тетово информира дека приведените се на возраст од 20 до 25 години, а потекнуваат од повеќе села од тетовскиот и гостиварскиот регион. Имено, полицијата ги привела:

О.С. (20) и Б.С. (24) од с. Палатица,
А.У. (21) и Ј.У. (24) од с. Дебреше,
А.С. (25) од с. Вруток,
К.О. (23), Д.И. (25) и Д.Е. (21) од с. Селце.

Во физичката пресметка, повреден бил Д.Е. од Селце, кој бил нападнат со остар предмет. На местото на инцидентот пристигнала екипа од СВР Тетово, која извршила увид и го пронашла предметот со кој било нанесено повредата. Тој е подигнат како доказ и ќе биде предмет на понатамошна истрага.

Приведените се задржани во полициска станица, а по целосното документирање на случајот против нив ќе биде поднесен соодветен поднесок за нарушување на јавниот ред и мир.

Дополнително, СВР Тетово известува и за друг случај на физички напад што бил пријавен истиот ден. Околу 15:30 часот, 20-годишниот А.Ш. од Тетово пријавил дека претходно, околу 15:00 часот, бил физички нападнат од 18-годишниот А.А., исто така од Тетово, по вербална расправија пред угостителски објект на улицата „Благоја Тоска“. Полицијата презема мерки за целосно расчистување и документирање и на овој инцидент.