Осумдневен притвор за сопственик на 500 крави и неговите ќерки

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Осумдневен притвор за сопственик на 500 крави и неговите ќерки

04 декември 2025

• од Станча Јаќимовски

Сопственикот на фарма со над 500 крави, заедно со неговите две ќерки, ќе поминат осум дена во притвор по одлука на надлежниот суд, објави Телма. Притворот е определен поради проценета опасност од бегство и можност за повторување на делото.

Претходно, Основното јавно обвинителство во Крива Паланка, преку ОЈ Крива Паланка, соопшти дека ќе поведе постапка против три лица за кривично дело „Спречување службено лице во вршење службено дејствие“.

Според информациите од обвинителството, инцидентот се случил на 2 декември, кога осомничените со сила и сериозни закани ги спречиле службените лица на Агенцијата за храна и ветеринарство, кои со полициска асистенција постапувале по правосилно и извршно решение за одземање домашни животни – крупен добиток. Мерката се однесувала на одземање на стока во рамки на претходно утврдена постапка, со цел спроведување законски мерки.

Јавниот обвинител, земајќи ги в предвид ризиците, поднесе предлог за притвор до надлежниот суд за сите осомничени, нагласувајќи дека постои реална можност делото да се повтори.

Тврдења за прекршување на постапката

Ѓорѓиевска, претходно во изјава за Телма, истакна дека пред одземањето немало официјален контакт од страна на институцијата, и дека не им биле презентирани документи врз основа на кои се постапува.

Таа упати сериозни обвинувања кон институциите и побара итна, независна и транспарентна истрага, која би опфатила:

можна неоправдана употреба на сила врз нив,
сурово постапување со животните,
прикривање или уништување на докази,
како и заштита на нивните човекови права и спречување на институционални злоупотреби.

Ѓорѓиевска потенцира дека е неопходна независна верификација на настаните, особено ако постојат сомнежи за прикриени докази, несоодветен третман на добитокот и можна повреда на човековите слободи.

Истрагата продолжува

Од Основното јавно обвинителство засега остануваат на ставот дека акцијата била спроведена по законска основа и со полициска поддршка, но јавноста очекува дополнителни информации од надлежните органи во понатамошната истрага.

Меѓу земјоделците и сточарите случајот веќе предизвика реакции, отворајќи дебата за комуникацијата меѓу институциите и фармерите, како и за начинот на постапување при одземање добиток.