Јована Мојсоска: Пакетот закон за млади е последен крик на младите кои сакаат да останат во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Јована Мојсоска: Пакетот закон за млади е последен крик на младите кои сакаат да останат во Македонија

03 септември 2025

• од Станча Јаќимовски

На собраниска седница, пратеничката од Левица, Јована Мојсоска, ги образложи петте предложени закони со кои, како што рече, се таргетираат најгорливите проблеми на младите и младите семејства во земјата.

Одговор на репресивни мерки

Мојсоска нагласи дека овие закони произлегле како реакција на, според неа, апсурдната понуда на Владата за воведување на „данок за немажени и неженети“. Таа мерка ја нарече репресивна и доказ за безидејноста и отсуството на политичка волја кај владејачкиот естаблишмент.

„На младите не им требаат ниту празни ветувања, ниту сувопарни флоскули – нив им треба систем каде домувањето и достоинствената егзистенција се основни човекови права, а не луксуз,“ истакна таа.

Алармантни податоци за младите

Во своето излагање, пратеничката се повика на загрижувачки бројки во образованието. Таа рече дека оваа учебна година во македонските училишта се запишале 27.000 ученици помалку во споредба со пред една деценија.

„Овој егзодус не е случаен. Тој е резултат на систем изграден од сите владејачки елити досега – систем на брутална партизација, корупција, медиокритети и сиромаштија која ги брка младите од државата,“ предупреди Мојсоска.

Критика на социјалната нееднаквост

Мојсоска во своето излагање ја истакна и длабоката социјална раслоеност во земјата, потенцирајќи дека домувањето за голем дел од младите претставува недостижен луксуз, додека дел од функционерите со милионски богатства уживаат по луксузни локации како Монако и Дубаи.

„Не можете да се амнестирате од одговорност за системот кој ја продлабочи социјалната неправда,“ заклучи таа.