Пациенти со рак принудени да купуваат терапија од странство, апарати и реагенси недостасуваат на Онкологија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Пациенти со рак принудени да купуваат терапија од странство, апарати и реагенси недостасуваат на Онкологија

01 октомври 2025

• од Станча Јаќимовски

Пациенти кои се лекуваат на Клиниката за онкологија алармираат дека се соочуваат со сериозни проблеми во третманот. Нема хемотерапија, нема реагенси за тумор маркери, а еден од апаратите за зрачење е надвор од употреба. Тоа ги принудува да бараат помош и терапија во соседните земји или приватни установи.

Сведоштво на пациентка

„Хемотерапија нема на Клиниката за онкологија, купувам од други држави, а нема ниту реагенси за тумор маркери, па морам да ги правам приватно,“ напиша неодамна на социјалните мрежи Д. Јакимова од Крива Паланка. Таа веќе подолго време се бори со рак на дојка кој повторно се вратил во форма на метастази на црн дроб.

„Сите испитувања ги правам надвор од Паланка, и тоа голем дел приватно. Моето семејство не е веќе финансиски моќно да го издржи овој товар,“ вели Јакимова, апелирајќи за финансиска помош.

Недостаток на лекови и реагенси

Од Клиниката признаваат дека постоеле проблеми со снабдувањето, но тврдат дека состојбата се нормализира. Директорот Игор Стојанов објаснува дека лекот „таксол“ е достапен, додека „цисплатил“ во моментов го нема, но постои замена. „Се случува некои пациенти да не ја прифатат замената, иако таа е ефикасна. Недостатоците беа минимални,“ рече Стојанов.

Апарат за брахитерапија на сервис

Во меѓувреме, апаратот за гинеколошка брахитерапија не е во функција поради доцнење со сервисниот договор. „За апаратот е потребен радиоактивен извор што се менува на 3–5 месеци. Нарачката е направена и очекуваме наскоро апаратот повторно да работи,“ објаснува Стојковски од Клиниката.

Повторлив проблем

Недостиг на лекови на Онкологија не се случува за прв пат. Пред три месеци, пациенти со рак на бели дробови останаа без терапија со „пацитаксел“, што според раководството на клиниката било резултат на грешка на дистрибутерот.

Пациентите, пак, предупредуваат дека секое вакво одложување или недостиг на лекови значи ризик по нивниот живот и дополнителен финансиски товар за нивните семејства.