Партијата на Власите бара извинување од новинарот што тврди дека Питу Гули бил Албанец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Партијата на Власите бара извинување од новинарот што тврди дека Питу Гули бил Албанец

06 август 2025

• од Станча Јаќимовски

Партијата на Власите на Македонија (ПВМ) остро реагираше на неодамнешната изјава на новинарот Фуркан Салиу, во која тој тврди дека историскиот херој Питу Гули бил Албанец и дека неговото вистинско име било Петер Гури.

Во официјалната реакција, ПВМ ја отфрла оваа изјава како целосно неоснована и без никаква поткрепа во веродостојни историски извори. Од партијата нагласуваат дека Питу Гули бил чистокрвен Влав (Арм’н), роден во Крушево, и е еден од најзначајните херои како за влашката заедница, така и за македонската револуционерна борба.

„Неговото име и дело се јасно документирани во бројни домашни и странски историски извори, а неговата пожртвуваност и смрт за време на Илинденското востание се симбол на борбата за слобода и правда,“ се наведува во реакцијата на ПВМ.

Партијата исто така посочува дека сите наследници на Питу Гули носат влашки имиња и презимиња, што дополнително го потврдува неговото етничко потекло. Како доказ, ги наведуваат членовите на неговото најблиско семејство:

Ташко Шула Гули – син
Стерјо Гули – син
Никола Лаќа Гули – син
Флора Гули – ќерка
Евгенија – сопруга

Дополнително, ПВМ потенцира дека борбата за слободна Македонија била заедничка и во неа учествувале Македонци, Власи, Албанци и други народи кои ја сметаат оваа земја за свој дом.

„Македонија е заедничка земја на сите нејзини граѓани, и не треба да се дозволи преку лажни историски наративи да се создаваат непостоечки меѓуетнички конфликти,“ додава партијата, предупредувајќи дека таквите изјави не придонесуваат ниту за историската вистина, ниту за зајакнување на меѓуетничкиот соживот.

ПВМ упатува апел до јавните личности, особено новинарите, да бидат повнимателни со изјавите кои ги даваат и да не го доведуваат во прашање етничкиот идентитет на историски личности со јасно документирано потекло.

Партијата бара новинарот Фуркан Салиу да ја повлече својата изјава и јавно да се извини, бидејќи, како што велат, неговото тврдење не само што го нарушува угледот на Питу Гули и влашката заедница, туку и нанесува штета на чувствителниот меѓуетнички соживот во Република Македонија