Пензионерите назад на работа – решение или очајнички потег?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Пензионерите назад на работа – решение или очајнички потег?

21 мај 2025

• од Вардарски

Во услови на хроничен недостиг на работна сила, Владата донесе законски измени со кои пензионерите, студентите, социјалците, младите над 15 години, па дури и странците, ќе може да работат без да ги изгубат своите стекнати права.

Со измените, овие категории на граѓани ќе можат да бидат вработени до четири месеци годишно, и тоа во три специфични дејности: земјоделство, угостителство и услужни дејности – работа во хотели, домови за стари лица и помош во домаќинства.

Пензија и плата – заедно

Пензионерите кои ќе се вклучат на пазарот на трудот ќе можат истовремено да ја примаат својата пензија и плата, а социјалните приматели нема да го изгубат правото на социјална помош. Оваа мерка има за цел да го зголеми бројот на достапна работна сила, без да се создаде дополнителен товар на бенефициите што граѓаните веќе ги имаат стекнато.

Реакции на пензионерите – поделен интерес

Ставовите на пензионерите за новата можност се поделени. Некои ја поздравуваат можноста за дополнителен приход:

„Било каде да ме викнат, јас би работела. И претседател да ме стават, ќе работам и таму“, изјави една пензионерка со ентузијазам.

Други пак, сметаат дека здравствената состојба и годините не им дозволуваат повторно да работат:

„Имам 72 години. Психички и физички не сум способен. Сега се тркалам, не одам“, вели друг пензионер.

Има и такви кои ја прифаќаат можноста од економска нужда:

„Не ми стигнува за струја, сама живеам, морам сама да заработам“, посочува пензионерка.

Работодавачите со ограничени очекувања

Работодавачите не се претерано оптимистични. Според нив, опфатот на дозволените дејности е премногу ограничен, а се исклучени клучни сектори како градежништвото. Сепак, позитивно го оценуваат фактот што со новите правила се олеснува вработувањето и се намалуваат трошоците:

„Пријавувањето ќе биде поедноставено – преку мобилен телефон, без огласи. Ќе се плаќаат само придонеси за пензиско и професионално заболување, не и за здравство и вработување“, објасни Ангел Димитров од Организацијата на работодавачи.

Очекувања

Со оваа мерка се очекува до 30.000 лица да станат достапни на пазарот на труд. Додека едни ја гледаат како можност за дополнителен приход и социјална вклученост, други ја сметаат за обид да се легализира веќе постоечката сива економија.

Законот е обид да се реши хроничниот проблем со недостигот на работници, но успехот ќе зависи од тоа дали и колку граѓаните ќе сакаат – или ќе можат – да се вратат на работа.