Перев: Вклучувањето на Бугарите во Уставот ќе ја ослободи Македонија од српско и руско влијание

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Перев: Вклучувањето на Бугарите во Уставот ќе ја ослободи Македонија од српско и руско влијание

14 декември 2025

• од Станча Јаќимовски

Новинарот Владимир Перев, кој јавно се декларира како Македонец Бугарин, во своја изјава отвори чувствителна, но суштинска дебата околу уставните измени и позицијата на македонските Бугари во општествено-политичкиот систем на Северна Македонија.

Перев истакна дека остварувањето на уставните и граѓанските права на македонските Бугари не треба да се гледа како закана, туку како можност за вредносно преструктуирање на институциите и демократско зајакнување на државата.

„Зошто ако ние ги добиеме нашите права, ние ќе ги сместиме луѓето на вредности во општеството и ќе заземеме други раководни места – во полицијата, правосудството, армијата, Министерството за надворешни работи. И тогаш тоа нема да биде ни српската, ни руската Македонија“, изјави Перев.

Антируска ориентација и европски вредности

Според него, македонските Бугари во најголем дел имаат јасна и недвосмислена антируска ориентација и се определени за европски вредности, владеење на правото и демократски институции. Тој смета дека токму оваа вредносна определба може да придонесе за посилен евроатлантски курс на државата и за намалување на влијанијата кои, како што вели, историски ја влечеле Македонија во спротивна насока.

Перев нагласува дека стравовите од „бугаризација“ или губење на македонскиот идентитет се неосновани и се резултат на долгогодишни политички манипулации.

Уставните измени како тест за демократијата

Во контекст на актуелните политички процеси, изјавата на Перев доаѓа во момент кога Северна Македонија се соочува со клучна одлука – дали ќе ги внесе Бугарите како заедница во Уставот, со што би се отворил патот за продолжување на европските интеграции.

„Станува збор за еднаквост и за признавање на реалноста дека македонските Бугари се дел од ова општество и дека имаат право на институционално учество“, порачува Перев.

Неговите ставови веќе предизвикуваат реакции во јавноста, но истовремено ја актуелизираат суштинската дилема: дали државата е подготвена да го направи следниот чекор кон инклузивна демократија и јасна европска ориентација.