20 април 2025
• од Вардарски
Пет лица се повредени, меѓу кои едно потешко, во тешка сообраќајна несреќа што се случи синоќа во центарот на Скопје, на крстосницата кај улиците „11 Октомври“, „Даме Груев“ и „Филип Втори Македонски“, во близина на Градската болница.
Според информациите од Министерството за внатрешни работи, несреќата е пријавена на 19 април околу 21:15 часот. Судирот се случил меѓу патничко возило „Фолксваген Голф“ со скопски регистарски таблички, управувано од 18-годишниот А.Н. од Скопје, и автомобил „БМВ“ со чешки ознаки, управуван од 24-годишниот Т.К. од Струга.
Во несреќата тешки телесни повреди добил 20-годишниот С.Ј. од Скопје, кој се наоѓал како сопатник во „БМВ“-то. Лесни повреди добиле и двајцата возачи, како и две девојки од Скопје – 20-годишната А.Ф. и 19-годишната М.Р., кои биле сопатнички во „Фолксвагенот“.
Повредените се префрлени во Градската општа болница „Св. Наум Охридски“, каде им била укажана медицинска помош и биле констатирани нивните повреди.
На местото на несреќата излегла увидна екипа од СВР Скопје, а се преземаат мерки за целосно расчистување на причините и околностите под кои се случил судирот, информираат од МВР.
Ненадминливи Понуди Дневно
4.8 (10276 рецензии)
Заштедете 152.00 ден

