Петрески: Трошокот за општеството од унгарскиот кредит го плаќаат даночните обврзници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Петрески: Трошокот за општеството од унгарскиот кредит го плаќаат даночните обврзници

14 мај 2025

• од Вардарски

Универзитетскиот професор Марјан Петрески, во емисијата „Топ тема“ на ТВ Телма, оцени дека монетарната политика во земјата бележи стабилизација, иако одредени ризици сè уште се присутни и на домашен и на меѓународен план.

„Монетарната политика беше насочена кон затегнување како одговор на високата инфлација во 2022 и 2023 година. Во 2022 инфлацијата изнесуваше 14,2%, а во 2023 се намали на 9,5%. Сега веќе гледаме стабилизирање, но ризици постојат. Со намалување на глобалните инфлаторни притисоци започна и нормализација на монетарната политика“, истакна Петрески.

Осврнувајќи се на унгарскиот кредит, професорот посочи дека иако може да биде корисен за компаниите, товарот од каматната стапка на заемот паѓа врз грбот на граѓаните.

„Трошокот за општеството е поголем отколку добивката од унгарскиот кредит. Каматната стапка не ја плаќаат компаниите туку државниот буџет, што значи дека крајниот товар го носат даночните обврзници“, нагласи Петрески.

Претседателката на Македонската банкарска асоцијација, Маја Стевкова Штериева, исто така говореше за улогата на каматните стапки и ризиците што ги носи кредитирањето.

„Намалувањето на каматните стапки нема да биде драматично и ќе се случува постепено. Банките се раководат според сигналите на монетарната власт и ги следат движењата на референтните каматни стапки. Освен изворите на финансирање, тука е и кредитниот ризик што го носат клиентите – нивната деловна способност и стабилност“, рече Штериева.

Од аспект на стопанството, директорот на „Раде Кончар – ТЕП“, Горан Антевски, ја поздрави тенденцијата за намалување на каматните стапки, но предупреди дека тоа не може да трае бесконечно.

„За компаниите, пониски каматни стапки значат зголемена инвестициска активност. Но, не смееме да заборавиме дека и банките треба да ја задржат својата развојна компонента. Финансискиот сектор мора да биде стабилен за да може да го поддржува и растот на компаниите и економијата во целина“, истакна Антевски.

Сумирано, економските експерти и деловната заедница се согласуваат дека и покрај позитивните сигнали за стабилизација, претпазливоста е сè уште потребна – особено кога јавниот долг и товарот на даночните обврзници стануваат централен елемент во финансирањето на економскиот развој.