Петровска до Николоски: Спроведовте ли надзор над општина Чаир за дивоградбите?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Петровска до Николоски: Спроведовте ли надзор над општина Чаир за дивоградбите?

27 јуни 2025

• од Станча Јаќимовски

На седницата на Собранието посветена на пратенички прашања, пратеничката од СДСМ, Славјанка Петровска, постави директно прашање до министерот за транспорт и врски, Александар Николоски, барајќи одговор дали е спроведен надзор над работата на општина Чаир, особено во делот на урбанистичкото планирање и бесправната градба.

Петровска го повика министерот да објасни дали Министерството презело конкретни чекори во врска со сериозните обвинувања за незаконитости во општина Чаир, кои, според неа, се однесуваат на злоупотреби во издавање дозволи за градба, непочитување на урбанистички планови, како и на постоење на дивоградби што претставуваат ризик за безбедноста на граѓаните.

Во своето излагање, таа се повика на Нацрт-стратешкиот план на Министерството за транспорт и врски за периодот 2025–2027 година, кој, како што рече, содржи заложби за унапредување на животниот стандард, транспарентно работење и редовно известување за реализирани активности. Според документот, постои посебен сектор во рамките на Министерството кој е надлежен за надзор на законитоста на работењето на општините, особено во областа на градежништвото и домувањето.

„Дали, согласно вашите законски надлежности и ветувања, сте наредиле или спровеле надзор над законитоста на работата на општина Чаир? Или пак, иако не ви е брат, ви е коалиционен партнер, па затоа молчите?“ – праша Петровска, алудирајќи на политичките врски меѓу ВМРО-ДПМНЕ и актуелното раководство на Чаир.

Таа посочи дека обвинувањата за „епски криминал“, изнесени од страна на градоначалничката на Скопје, се премногу сериозни за да бидат игнорирани, посебно кога тие имаат потенцијални елементи и на загрозување на јавната безбедност.

Пратеничката заврши со повик до министерот да одговори конкретно и без одлагање, потсетувајќи дека институциите не смеат да бидат неми набљудувачи кога се нарушуваат законите, независно од политичката припадност на инволвираните страни.