Петровска: "Ново нормално" со Тошковски – 60 куршуми во двор на полициска станица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Петровска: "Ново нормално" со Тошковски – 60 куршуми во двор на полициска станица

29 април 2025

• од Вардарски

Пратеничката од СДСМ, Славјанка Петровска, жестоко го критикуваше министерот за внатрешни работи, Панче Тошковски, за време на собраниската седница посветена на неговата интерпелација. Петровска алармираше на влошената безбедносна состојба во земјата, истакнувајќи дека бројот на убиства, особено во централното градско подрачје на Скопје, забележува алармантен пораст во последните 15 месеци.

„Последното убиство е фрапантно – во дворот на најголемата полициска станица во Скопје, Битпазар, беа испукани повеќе од 60 куршуми. Ова е новото нормално со Тошковски“, нагласи Петровска.

Таа саркастично додаде дека, според досегашната логика што се применуваше кај други инциденти, најверојатно вината за овој напад ќе се префрли врз производителот на оружјето, наместо врз оној кој го употребил.

Петровска го отвори и прашањето за сообраќајниот хаос, особено по трагичната смрт на младата Фросина, чија судбина била искористена за најави за драстични мерки во сообраќајот. Но, како што потенцираше, „секое чудо трае три дена“, па и покрај најавите, секојдневно се случуваат нови сообраќајни незгоди со сериозни последици.

Таа го спомена и последниот скандал поврзан со братот на скопскиот градоначалник, наведувајќи дека градоначалникот исчезнал од јавноста, што според неа дополнително ја потврдува тезата дека институциите функционираат само за ПР цели.

„Сѐ ви е реклама, сѐ ви е ПР, а граѓаните тоа скапо го плаќаат“, изјави Петровска, обвинувајќи ја владејачката структура за манипулации и неселективен пристап кон борбата против криминалот и корупцијата. Таа потсети на случајот кога, како што рече, „ја кренаа рампата за Артан Груби да ја мине границата како господин“, како пример за лицемерен однос кон спроведувањето на законот.