Петровска: Заминувањето на Таравари е доказ за дефектот во владината коалиција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Петровска: Заминувањето на Таравари е доказ за дефектот во владината коалиција

14 мај 2025

• од Вардарски

Заминувањето на Алијансата за Албанците од владината коалиција, предводена од ВМРО-ДПМНЕ, е потврда за длабоките проблеми во функционирањето на актуелната власт, оцени пратеничката од СДСМ, Славјанка Петровска, во гостување во емисијата Само Вистина на Канал 5 телевизија.

Петровска истакна дека ова напуштање не е само изолиран политички чин, туку јасен сигнал дека Владата не ги исполнува ниту основните коалициски принципи, ниту пак обврските кон граѓаните.

„Излегувањето на една од партиите од владината коалиција всушност го покажува дефектот во начинот на функционирање на оваа влада и укажува дека не може да ги исполни ветувањата пред граѓаните“, рече Петровска.

Според неа, наводите на Таравари за неговото незадоволство и неисполнетите ветувања ја потврдуваат неспособноста на Владата да реализира дури и свои сопствени планови.

„Очигледно е дека оваа влада нема капацитет ниту за исполнување на сопствените ветувања, а уште помалку за одржување стабилна коалиција. Не е изненадување што немаа ниту политички капацитет барем за формална прослава на една година од владеењето“, додаде Петровска.

Таа укажа и на, како што рече, загрижувачки застој во процесот на европска интеграција, оценувајќи дека тој е целосно маргинализиран од агендата на Владата.

„Процесот на европска интеграција не е ниту во втор план ставен, туку е многу подолу на агендата. Немаме никакво вистинско поместување во таа насока, додека другите земји од регионот, како Албанија, веќе се движат напред и имаат реални шанси да станат членки на ЕУ до 2030 година“, рече Петровска.

Таа потсети на големите предизборни ветувања на премиерот Христијан Мицкоски, оценувајќи дека по речиси една година од формирањето на Владата, резултатите се целосно отсутни.

„Слушавме дека имале план, ама по една година не видовме ништо од тој план. Веројатно планот им бил дека ќе подзаборавиме на ветувањата“, заклучи Петровска.