Платено однапред, одложено на неодредено: Линијата Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Платено однапред, одложено на неодредено: Линијата Скопје–Дубаи не полета

05 април 2025

• од Вардарски

Министерот за транспорт и врски, Александар Николоски, неодамна триумфално се пофали дека граѓаните на Северна Македонија ќе можат директно да летаат од Скопје до Дубаи, благодарение на државна субвенција. Но, само неколку дена пред најавеното започнување на линијата на 30 март, јавноста дозна – летови нема да има. Без точни информации, без објаснување, само уште едно одложување зад кое се крие институционална неспособност и површен популизам.

Фирмата „Флај Дубаи“, која доби средства преку владината програма, побарала одложување поради некакви „објективни причини“. Министерот Николоски, наместо да преземе одговорност или да ја информира јавноста навремено, се сокри зад дипломатски формулации. Граѓаните заслужуваат транспарентност – а не тишина кога нештата не одат по планот.

Ова не е само техничка пречка, ова е системска слабост. Владата ветуваше директни летови, вложува јавни средства – а резултатот е нула. Со 360 милиони денари буџет за субвенционирање авиолинии, оваа линија требаше да биде симбол на подобра поврзаност, економски развој и зголемен туристички потенцијал. Наместо тоа, стана симбол на ветување без покритие.

Во меѓувреме, други компании – како „Визер“ и „Туркиш Ерлајнс“ – веќе летаат според планот. Додека тие ги реализираат своите најави, министерот Николоски организира прес-конференции за нешто што никогаш не ни полета.

И сега прашањето е: кој ќе сноси одговорност? Ќе има ли некој кој ќе објасни зошто јавните пари се ветрувани во проекти што очигледно не се спремни за реализација? Или повторно ќе се сликаме со макета на авион и ќе ветуваме „од септември, сигурно“?

Оваа ситуација бара итна ревизија на процесот на доделување субвенции, појасни критериуми и јавна отчетност. Граѓаните не се публика на лош ПР – тие се тие што го финансираат шоуто. И заслужуваат многу повеќе од празни зборови и непрелетани авиони.