По Нова година ќе биде познато дали ќе им се суди на полицајците осомничени за трагедијата во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

По Нова година ќе биде познато дали ќе им се суди на полицајците осомничени за трагедијата во Кочани

15 декември 2025

• од Станча Јаќимовски

На почетокот на следната година најверојатно ќе биде познато дали ќе биде покренато судење и против полицајците осомничени во врска со трагедијата што се случи во кочанската дискотека „Пулс“. Иако истрагата за нив формално заврши кон крајот на минатиот месец, постапката сè уште не е целосно финализирана, бидејќи не сите осомничени ги примиле известувањата за завршување на истрагата.

Од Јавното обвинителство за гонење на организиран криминал и корупција информираат дека законскиот рок од 15 дена, во кој одбраната има право да достави докази, ќе започне да тече дури откако и последниот осомничен ќе го добие известувањето. По истекот на овој рок, Обвинителството ќе донесе одлука дали ќе поднесе обвинение и за колку лица.

„Осомничените сè уште ги примаат известувањата за завршена истрага. Законскиот рок од 15 дена за доставување докази од страна на одбраната ќе започне да тече по приемот на известувањето од страна на сите осомничени. По истекот на рокот ќе биде донесена јавнообвинителска одлука“, соопштуваат од Обвинителството.

Под истрага се вкупно 26 полициски инспектори, началници и командири кои, според сомнежите, од 2012 година па наваму давале согласност дискотеката „Пулс“ да добие лиценца за работа од Министерството за економија. Ова неодамна го потврдија и Министерството за внатрешни работи и Јавното обвинителство. Полицајците се осомничени за кривичните дела „Тешки дела против општата сигурност“ и „Предизвикување општа опасност“.

Ова е втора истрага поврзана со трагедијата во дискотеката „Пулс“. За првата истрага судскиот процес веќе е во тек.

Пожарот во кочанската дискотека избувна на 16 март и претставува една од најтешките трагедии во поновата историја на земјата. Во несреќата животот го загубија 63 млади лица, додека над 200 беа повредени, од кои дел со тешки и трајни последици.