По три години затвор за ексдиректорите Бесими и Етеми за трагедијата во модуларната болница во Тетово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

По три години затвор за ексдиректорите Бесими и Етеми за трагедијата во модуларната болница во Тетово

24 декември 2025

• од Станча Јаќимовски

Апелациониот суд во Гостивар донесе одлука со која им ги зголеми затворските казни на поранешните директори на Клиничка болница Тетово, Флорим Бесими и Артан Етеми, обвинети за трагичниот пожар во модуларната ковид-болница во Тетово, што се случи на 8 септември 2021 година, при што загинаа 14 пациенти и членови на нивните семејства.

Наместо првостепената пресуда со казни од една и пол година затвор, Апелациониот суд им изрече по три години ефективна затворска казна. Судот одлучуваше по жалбите и на Јавното обвинителство од Тетово и на одбраната на обвинетите. Јавната седница се одржа на 25 ноември, а одлуката беше јавно соопштена вчера.

Бесими, како тогашен директор на болницата, и Етеми, како економски директор, беа прогласени за виновни за кривичното дело тешки дела против општата сигурност, за кое Кривичниот законик предвидува максимална казна затвор до пет години.

Со истата пресуда, правното лице Клиничка болница Тетово е казнето со парична казна од 1.300.000 денари за кривично дело предизвикување општа опасност, што претставува зголемување во однос на првостепената казна од еден милион денари.

Претходно, директорите беа осудени на условни казни затвор, а болницата на парична казна, но по жалба на Обвинителството таа пресуда беше укината и предметот беше вратен на повторно судење, што резултираше со построги санкции.

Обвинението против Бесими и Етеми не се однесува на директната причина за пожарот, туку на нивното непостапување, односно необезбедување пропишани уреди за заштита од пожар. Според обвинението, тие не ги спровеле обврските кои произлегувале од договорот за заем меѓу државата и Светската банка, со кој било предвидено модуларните болници да бидат опремени со соодветна противпожарна опрема.

Како последица на краток спој на приклучниот кабел од дефибрилатор за време на реанимација на пациент, дошло до палење на продолжниот кабел и синтетичките материјали, по што пожарот брзо се проширил низ целиот објект. Медицинскиот персонал безуспешно се обидувал да го изгасне пожарот со ќебиња и вода, бидејќи противпожарни апарати немало.

Во истиот предмет, докторот Бобан Вучевски беше обвинет за непочитување на здравствените прописи за време на епидемија, поради дозволување влез на членови на семејствата на пациентите во болницата. Судот го ослободи од вина, бидејќи обвинението не се однесувало на причините за пожарот.

Јавен обвинител во случајот беше Бесир Алиу од Основното јавно обвинителство Тетово.