Почина 16-годишникот кој со мотоцикл удри во џипот на пратеникот од Левица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Почина 16-годишникот кој со мотоцикл удри во џипот на пратеникот од Левица

10 октомври 2025

• од Станча Јаќимовски

Трагедија во скопско Идризово – почина 16-годишното момче кое на 14 септември годинава со мотоцикл се судри со џипот на пратеникот од партијата Левица, Сашко Јанчев. Веста за смртта ја објави телевизија Канал 5, повикувајќи се на извори од клиничкиот центар.

Несреќата се случила во село Марино

Сообраќајната несреќа се случила во селото Марино, кога се судриле патничко возило марка „Хјундаи Тусон“ со гевгелиски регистарски ознаки, управувано од С.Ј. (36) од Гевгелија, и мопед управуван од 16-годишник од с. Идризово, Скопско.

Во несреќата тешко биле повредени младиот возач и неговата 13-годишна сопатничка од населбата Илинден, кои биле пренесени во Клиничкиот центар „Мајка Тереза“ во Скопје. За жал, по неколку недели борба за живот, момчето им подлегнало на повредите.

Повредени и пратеникот и неговиот сопатник

Покрај младите на мопедот, телесни повреди добиле и пратеникот Сашко Јанчев и неговиот сопатник Х.М. (25) од Вевчани.

Инцидентот предизвика големо внимание во јавноста поради тоа што во него е вклучен народен избраник.

Реакција од Левица

Од Левица реагираа по несреќата и категорично демантираа дека нивниот пратеник возел под дејство на алкохол или над дозволената брзина. Според нив, мотоциклот се забил во вратата на автомобилот, при што дошло до трагичниот судир.