30 август 2025
• од Станча Јаќимовски
Тажна вест ја потресе македонската јавност – почина д-р Виктор Исјановски, психијатар и поранешен директор на ЈЗУ „Здравствен дом – Скопје“. Тој го загуби животот за време на престојот во Грција, каде што бил на летување.
Исјановски по професија беше специјалист психијатар и зад себе остави богата професионална кариера. На чело на најголемата здравствена установа во државата беше од јуни 2019 година, а функцијата ја извршуваше до смената на власта во 2024 година.
Македонската јавност најмногу ќе го памети по неговата посветеност и активност за време на пандемијата со коронавирусот. Под негово раководство, Здравствен дом – Скопје ги стави сите расположливи ресурси во функција на борбата со Ковид-19, особено во процесот на масовната вакцинација, кој претставуваше еден од најголемите предизвици за македонскиот здравствен систем.
По објавата за неговата смрт, на социјалните мрежи со неверување и голема тага се простуваат неговите пријатели, колеги и соработници. Многумина истакнуваат дека со заминувањето на д-р Исјановски македонското здравство изгуби врвен професионалец и човек посветен на својата професија.
САД воведуваат визни санкции за палестински функционери: Под забрана и Махмуд Абас
Ненадминливи Понуди Дневно
4.8 (10276 рецензии)
Заштедете 152.00 ден