Поднесено обвинение за злоупотреби и измами при јавни набавки во РЕК Битола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Поднесено обвинение за злоупотреби и измами при јавни набавки во РЕК Битола

02 јануари 2026

• од Станча Јаќимовски

Основното јавно обвинителство Битола, по спроведена опсежна истражна постапка, поднесе обвинение против осум физички лица и едно правно лице за сериозни злоупотреби поврзани со постапки за јавни набавки во РЕК Битола.

Според обвинението, во текот на 2023 година петмина од обвинетите, во својство на службени лица – директори и раководители на подружници во РЕК Битола, меѓу кои и директорот на комбинатот, сториле продолжено кривично дело злоупотреба на службената положба и овластување. Тие не постапувале законито и совесно, при што ги повредиле основните начела на економичност, ефикасност, сразмерност и конкурентност предвидени во Законот за јавни набавки.

Со намера да овозможат противправна имотна корист за друго правно лице, обвинетите распишале и спровеле јавна набавка за дислокација на погонски станици од рудникот „Осломеј“ во рудниците на РЕК Битола, со цел воспоставување нов транспортен систем за руда. Иако биле свесни дека ваквиот систем е спротивен на основниот проект и технолошки несоодветен за процесот на ископ и транспорт, сепак постапката била реализирана.

Како што наведува обвинителството, поради неправилната форма на површинскиот коп и краткиот век на експлоатација на рудникот Живојно (околу 14 години), таму не била предвидена примена на континуирана технологија со роторни багери и транспортни ленти – токму технологијата која требало да се дислоцира од Осломеј.

Обвинетите го навеле Управниот одбор да го измени Годишниот план за работа и ги предимензионирале минималните услови на тендерот, со што фаворизирале само една компанија. На тој начин, обвинетото правно лице се јавило како единствен понудувач и добило тендер вреден 90 милиони денари без ДДВ, односно 106,2 милиони денари со вклучен ДДВ.

Првообвинетиот, сопственик на фирмата, заедно со двајца вработени и самото правно лице, се товарат за кривично дело злоупотреба на постапка за јавен повик, бидејќи поднеле и потпишале невистинита документација со која тврделе дека работите на монтажа се завршени, иако опремата била оставена неинсталирана во кругот на РЕК Битола. Врз основа на таа документација, незавршените работи биле наплатени, со што компанијата се стекнала со противправна имотна корист од големи размери.

Во измамата, според обвинението, учествувале и тројца директори и раководители во РЕК Битола кои во 2024 година потпишувале записници и извештаи за наводно извршени работи, иако знаеле дека се невистинити. Со тоа го навеле РЕК Битола да изврши незаконита исплата и сториле продолжено кривично дело измама во службата.

Јавниот обвинител предложи одземање на околу 1,7 милиони евра со ДДВ, исплатени како резултат на кривичните дела. Во текот на постапката се обезбедени 1,2 милиони евра, 1.000 швајцарски франци, три златни монети и една златна плочка од банкарски сеф во Белград, како и над 500.000 евра на сметки во домашни банки. Дополнително, замрзнати се и 10 товарни и приклучни возила набавени во 2025 година, кои исто така може да бидат предмет на конфискација.

Истрагата утврдила дека првообвинетиот поседува две компании во Србија, од кои едната е основана кон крајот на 2024 година, како и дека постои јасна тенденција на префрлање на парични средства кон тие компании. Поради ризик од бегство, обвинителството достави предлог за продолжување на мерката притвор за првообвинетиот до судијата на претходна постапка.