Погледнете што Филипче ќе предложи на лидерската средба! Македонија нема да биде иста!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Погледнете што Филипче ќе предложи на лидерската средба! Македонија нема да биде иста!

28 март 2025

• од Гоце Кически

Во Кочани се случи една страшна трагедија која ја потресе целата нација, оставајќи ја во состојба на шок. Според претседателот на Социјалдемократскиот сојуз на Македонија, Венко Филипче, трагедијата ја става предизвикот да изведеме конкретни промени за спречување на вакви настани во иднина.

„Ова не е време за само зборови. Единството и обединувањето се клучни, како и поддршката за семејствата во Кочани. За нас е важно да направиме конкретни чекори кои ќе променат нешто за подобро,“ рече Филипче.

Тој појасни дека трагедијата бара делување, не само за поддршка на семејствата кои загубиле најблиски, туку и за семејствата чии деца се на лекување, како и за целото општество, кое бара промени.

„Дали ќе останеме само со зборови или ќе ги претвориме во дела и конкретни акции? Тоа е одлучувачко. Овие семејства заслужуваат поддршка, а ние мора да дејствуваме,“ истакна Филипче.

Во текот на вечерната хуманитарна емисија, Филипче најави дека следната недела ќе свика лидерска средба во Собранието, на која ќе предложи конкретен план за идните чекори кои треба да се направат за државата и за семејствата од Кочани.

„Ќе побарам лидерска средба со претставниците на најголемите политички партии, каде ќе го презентирам мојот план. План кој ги опфаќа најважните реформски процеси, вклучувајќи реформи во правосудството, здравствениот систем, како и започнување на изградбата на Клиничкиот центар. Потребни се суштински промени во образовниот систем, вклучително и дуплирање на платите на наставниците, за да се осигуриме дека нашите деца ќе добијат квалитетно образование. Социјалните и административните реформи мора да бидат од клучно значење, за да го подобриме функционирањето на институциите,“ нагласи Филипче.

Тој додаде дека е неопходно да се отворат европските поглавја, бидејќи тоа е единствениот начин за ефикасна борба против корупцијата.

„Корупцијата се заснова на сиромаштијата. За да ја победиме, мора да започнеме процес на структурни промени. Овој процес ќе донесе резултати, но мора да бидеме реални и да знаеме дека ќе видиме ефекти за 5 до 10 години. Ова не е брз процес, но е неопходен за нашата иднина,“ порача Филипче.

Тој исто така истакна дека младите кои се изразија на улиците и ја покажаа својата поддршка за настраданите, не се интересираат за минатото, туку се фокусирани на сегашноста и иднината на државата.