Полемика во МПЦ – ОА: Јавноста реагира на новиот предлог за митрополит

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Полемика во МПЦ – ОА: Јавноста реагира на новиот предлог за митрополит

31 мај 2025

• од Станча Јаќимовски

Во време кога Македонската православна црква – Охридска архиепископија (МПЦ – ОА) се соочува со нови предизвици и духовни искушенија, еден глас на загриженост одекна низ социјалните мрежи. Филип Кокароски, потомок на истакнат јеромонах и духовно поврзан со историјата на МПЦ – ОА, преку својот јавен став изрази длабока загриженост за насоката по која се движи нашата света Црква.

Според него, предложувањето на лице за митрополит на Дебарско-Кичевската епархија кое е само две недели во монаштвото и едвај 16 дена во јеромонашки чин е сериозен повод за аларм. Како што наведува, со сета почит кон Архиепископот г.г. Стефан и духовното чедо Георги – досегашен декан на Богословскиот факултет, ваквиот предлог до Синодот не е достоен и претставува избрзана одлука.

Кокароски не говори од позиција на обичен набљудувач, туку како правнук на јеромонах Глигорие Попоски – човекот кој го облекол во монашка одежда првиот Архиепископ на возобновената МПЦ – ОА, г.г. Доситеј. Ова, како што вели, му дава морално право да проговори, да повика на разум и да го изрази својот став за одлуката што би можела да предизвика уште подлабоки поделби во Црквата.

„Доста е, браќа и сестри, делби и поделби на народот! На народот не му треба повторно раскол во домот Христов. На народот му треба духовност, љубов и прошка“, вели тој, апелирајќи за враќање кон вистинските вредности.

Притоа, Филип Кокароски го посочува достојниот пример на игуменот на Бигорската обител и Епископот Антаниски г. Партениј – личност со длабоки монашки корени и предано служење на Христа. Тој повикува да се погледне неговиот духовен пат, неговата љубов кон Бог, како и посветеноста кон монаштвото и народот.

Во емоционалниот крај на неговото обраќање, тој ги повикува сите верници да се вратат кон основата – кон Христовата љубов, смирение и заедништво. „Прости им, Старче, не знаат што прават!“ – завршува статусот, со трогателен повик за прошка и единство.

Во време кога црковните одлуки предизвикуваат бурни реакции, важно е да се слушне и гласот на верникот, на оној што ја љуби Црквата и се грижи за нејзината иднина. Зашто, како што поучува Христос – по делата ќе ги познаете.