Полициска акција во Скопје – Претреси на повеќе локации поради сомнение за лихварство и перење пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Полициска акција во Скопје – Претреси на повеќе локации поради сомнение за лихварство и перење пари

22 октомври 2025

• од Станча Јаќимовски

Под раководство на обвинител од Основното јавно обвинителство за гонење на организиран криминал и корупција (ОЈО ГОКК), утринава полицијата спроведе широка акција во Скопје, насочена кон лица осомничени за лихварство и перење пари. Акцијата, според информациите на Скопје1.мк, се одвива истовремено на повеќе локации низ градот.

Според соопштението од Обвинителството, полициските единици на Министерството за внатрешни работи (МВР) вршат претреси на неколку адреси поврзани со осомничените лица. Од таму информираат дека постои основано сомневање дека лицата се вклучени во незаконски финансиски активности, при што дел од паричните средства наводно биле пуштани под камата, а потоа легализирани преку разни канали.

„Под раководство на предметен обвинител од ОЈО ГОКК, единици на МВР вршат претреси на повеќе локации во Скопје. Станува збор за осомничени лица за кои постои основано сомневање дека сториле кривично дело лихварство и перење пари. Повеќе детали ќе бидат споделени со јавноста по завршување на акцијата,“ стои во официјалното соопштение на Обвинителството.

Акцијата сè уште е во тек, а по нејзино завршување се очекува Обвинителството да излезе со официјални информации за бројот на приведени лица, како и за запленетите материјални докази. Оваа полициска акција е дел од континуираните напори на институциите за справување со организиран криминал и финансиски злоупотреби во земјата.