Политички советник на Курти: ,,Тешко е сопостоење со Македонците, кои не сакаат во ЕУ"

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Политички советник на Курти: ,,Тешко е сопостоење со Македонците, кои не сакаат во ЕУ"

07 февруари 2025

• од Вардарски

Во интервју за емисијата OnTime на ТВ-Коха, Беким Ќоку, политички советник за Македонија на косовскиот премиер Албин Курти и официјален претставник на партијата Ветвендосје за Македонија, изнесе контроверзни ставови за македонскиот народ. Тој изјави: „Тешко да се сопостои со народ кој не сака да се интегрира во Европската унија, толку тешко што Господ нѐ осуди да живееме со нив!“.

Ќоку, кој е и актуелен пратеник во Собранието на Македонија, истакна дека „Албанците можат да ја условуваат ВМРО-ДПМНЕ за уставни измени, но за тоа е потребно широко единство на сите партии“ и додаде дека „тоа мора да се направи, ако македонската страна не размисли за нашите барања“

Дополнително, Ќоку најави дека Ветвендосје планира да отвори политички субјект во Македонија кога ќе биде структуриран низ целата земја. Тој нагласи дека партијата нема заземено никаква позиција во извршната власт и не планира да се кандидира во ниту една општина на локалните избори, кои се очекува да се одржат кон крајот на 2025 година.

Посебно внимание привлече објава на Ќоку на неговиот профил на Фејсбук, каде што ги промовираше идеологијата и амбициите за територијално прекројување на Македонија од позиции на „Велика Албанија“. Тој напиша: „Од секој агол на албанските територии, од Струга и Тетово, Призрен и Пеќ, Приштина и Тирана се собраа кај Шадрванот во Призрен, за да го доживеат ентузијазмот на самоопределувачите, кои на 9 февруари на чело со Албин Курти ќе ја испишат најголемата победа досега. Нема запирање на волјата на народот, затоа што, како што велат Латините, гласот на народот е глас Божји.“

Овие изјави предизвикаа бурни реакции и дебати во јавноста, со оглед на нивната чувствителност и потенцијал за поттикнување меѓуетнички тензии.