Полските туроператори го напуштаат Охрид: Голем удар за туристичката сезона

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Полските туроператори го напуштаат Охрид: Голем удар за туристичката сезона

07 мај 2025

• од Вардарски

Охрид оваа туристичка сезона ќе ја памети по големата загуба на полските туристи. По најголемиот полски туроператор „Реинбоу“, сега и „Рего Бис“ ја откажа својата програма кон Охрид, и покрај тоа што македонската влада ги зголеми субвенциите за полските гости од 35 на 65 евра по лице.

Главната причина за оваа одлука се високите цени и неподготвеноста на охридските хотелиери да понудат „олл инклузив“ услуги. Хотелите се соочуваат со недостиг на персонал и сметаат дека оваа понуда не им се исплатува.

Со овие откажувања, Охрид и Македонија губат десетици илјади туристи од Полска, што ќе резултира со значителен пад во бројот на ноќевања и во вкупните приходи од туризмот.

– За жал, не откажаа само Полјаците. Голем број на групи се ставени на чекање, го намалуваат бројот на гости или целосно откажуваат, а се чувствува и разлика во квалитетот на гостите кои доаѓаат. Сите овие чартер летови требаше да започнат во мај и јуни, но поради незадоволство од цените беа откажани, изјави туристичкиот работник Ана Јанческа Дуданоска.

Оваа сезона, единствена врска со Полска останува авиокомпанијата ЛОТ, која лета до Скопје, но само со индивидуални аранжмани. Туристичките работници предупредуваат дека ова не може да ја замени масовната туристичка понуда која ја носеа туроператорите.

– Се прават некои резервации преку ЛОТ, но тоа не е на нивото што го имавме порано. Нема „олл инклузив“ понуди, туку само полупансион или полн пансион, изјави Крсте Блажески, претседател на ХОТАМ.

Марко Танески, исто така туристички работник, нагласува дека мора да се работи на воведување нови авионски линии и подобрување на воздушната поврзаност, и на охридскиот и на скопскиот аеродром.

– Треба да се фокусираме на привлекување повеќе гости и повеќе летови, како што прават соседните држави, бидејќи во моментов губиме многу летови и гости, предупредува Танески.

Да потсетиме, „Реинбоу“ оперираше на релација Охрид – Варшава од 2018 година, а „Рего Бис“ на релација Катовице – Охрид од 2016 година, носејќи од 10.000 до 16.000 гости секоја сезона. Затворањето на овие линии е сериозен предизвик за македонскиот туризам и аларм за итни мерки.