Помош од ЕУ преку Механизмот за цивилна заштита по пожарот во дискотека во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Помош од ЕУ преку Механизмот за цивилна заштита по пожарот во дискотека во Кочани

17 март 2025

• од Гоце Кически

Европската комисија информира дека Република Северна Македонија го активира Механизмот на ЕУ за цивилна заштита поради трагичниот пожар во дискотека во Кочани.

Центарот за координација на итни реакции на ЕУ веднаш стапи во контакт со претставниците на цивилната заштита на Северна Македонија за да понуди поддршка. Според информациите, Северна Македонија побарала помош за евакуација на 15 тешко повредени лица со сериозни изгореници. Првите понуди за помош пристигнале од Хрватска, Грција, Романија, Словенија, Шведска, Литванија, Унгарија, Луксембург и Норвешка.

Неколку од повредените веќе се евакуирани во Унгарија со поддршка од Луксембург, додека Романија овозможи транспорт на пациенти до Литванија. Европската унија продолжува да координира со националните власти за понатамошно згрижување на повредените во државите кои понудија медицинска помош. ЕУ останува во постојан контакт со властите на Северна Македонија и е подготвена да обезбеди дополнителна поддршка доколку е потребно.

Комесарката за управување со кризи, Хаџа Лабиб, изрази сочувство до семејствата на жртвите и сите повредени. „Европската унија е со народот на Северна Македонија во ова тешко време. Искрено благодарам на европските држави за брзата реакција и понудената помош преку нашиот Механизам за цивилна заштита“, истакна Лабиб, цитирана од Европската комисија.

Пожарот во дискотеката предизвика голема трагедија и мобилизираше солидарност и поддршка од земјите-членки на Европската унија, кои продолжуваат да работат на заеднички решенија за да се надмине оваа криза.