Понижени во сопствената земја: Србија ја нарече Македонија „Стара Србија“, а никој не реагира

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Понижени во сопствената земја: Србија ја нарече Македонија „Стара Србија“, а никој не реагира

25 октомври 2025

• од Станча Јаќимовски

На вчерашното одбележување на Кумановската битка од 1912 година кај Зебрњак, српски државни функционери повторно ја претставија Македонија како дел од „Стара Србија“, а македонскиот народ го нарекоа „браќа Северно-Македонци“. Настанот, кој во македонската историографија се оценува како почеток на српската окупација на Вардарска Македонија, беше одбележан во средината на Северна Македонија, во присуство на вицепремиер во македонската влада и рускиот амбасадор во државата.

Српски функционери зборуваат за „ослободување“, не за окупација

Во своето обраќање, српскиот државен секретар Зоран Антиќ изјави дека Србија никогаш не војувала против Македонците, туку против Бугарите, и дека битката кај Куманово била „победа на христијанството“ и „ослободување на Вардарска Македонија“, а не окупација.
Со тоа, српските претставници повторно го промовираа великосрпскиот историски наратив, според кој Македонија била „ослободена“ од Османлиите од страна на Србија, а не заземена со воена сила.

„Браќа Северно-Македонци“ – навреда кон идентитетот

Антиќ во своето обраќање ги нарече Македонците „браќа Северно-Македонци“ – термин кој не постои во Преспанскиот договор, ниту во меѓународната употреба.
Според договорот, државата се вика Република Северна Македонија, но народот останува Македонци, а јазикот – македонски.
Со оваа формулација, српскиот функционер директно ја омаловажи националната самобитност на Македонците, а уште поскандално е што никој во државата не реагираше.

Молк во Македонија – никој не реагира

Иако ваквите изјави се отворена историска и политичка провокација, во Северна Македонија владее целосен молк.
Ниту една институција, партија или медиум не реагираа на изјавите на српскиот државен секретар.
„Дежурните патриоти“ кои секојдневно ја „бранат државата“ од Бугарија, Албанците и „внатрешните предавници“, сега целосно замолкнаа.
Од власта на ВМРО–ДПМНЕ и Мицкоски нема никаква реакција, а нивниот министер Иван Стоилковиќ, кој присуствуваше на настанот, не изусти ниту збор.

Руско и кинеско присуство – геополитичка порака

На одбележувањето присуствуваа и рускиот и кинескиот амбасадор, што му даде на настанот јасен геополитички контекст.
Со ова, Зебрњак стана симболичен спој на Белград, Москва и Пекин, што многумина го гледаат како дел од стратегијата на т.н. „српски свет“ – обид за политичко и културно влијание во регионот под покровителство на Србија.

Молк, цензура и двоен аршин

И додека руските и српските претставници отворено зборуваат за „Стара Србија“, македонската политичка елита и медиумите – молчат.
Ако истите зборови беа изговорени од бугарски политичар, Македонија ќе реагираше со протестни ноти, медиумски кампањи и неколкунеделни телевизиски дебати.
Но кога провокацијата доаѓа од Белград, во присуство на Москва и Пекин, сè поминува во тишина.

Македонија на крстопат

Овој настан уште еднаш покажа дека македонската политика и медиуми се подготвуваат за постепено откажување од европскиот пат и интеграција во „српскиот свет“.
Додека во Подгорица и Тирана за неколку години ќе се слави членството во ЕУ, во Скопје, како што цинично коментираат некои, ќе се слави со Цеца „реинтеграцијата на Јужна Бановина во српскиот свет“.