05 октомври 2025
• од Станча Јаќимовски
Порталот Инфомакс пишува дека последните обилни дождови кои го зафатија Скопје предизвикале сериозни штети во Државниот архив на Република Македонија. Според информациите и видеото објавено од порталот, во зградата на архивот пропаднал таванот, а водата почнала да навлегува во просториите каде што се чуваат документи од огромно национално значење.
Во видеото објавено од Инфомакс се гледа како водата тече низ таванот и ѕидовите, поплавувајќи дел од просториите во кои се складирани архивски материјали. Според нивните информации, илјадници документи се оштетени, а дел од нив можеби ќе бидат неповратно уништени.
Граѓаните и стручната јавност остро реагираат на оваа ситуација, обвинувајќи за негрижа и недоволна одржуваност на објектот. Се поставува прашањето како е можно институција од вакво значење, која го чува историското наследство на државата, да остане без соодветна заштита од атмосферски непогоди.
Од надлежните институции засега нема официјално соопштение за причините и размерите на штетата. Јавноста бара итна интервенција, проценка на последиците и долгорочно решение за заштита на архивските материјали кои претставуваат дел од националната меморија.
Ненадминливи Понуди Дневно
4.8 (10276 рецензии)
Заштедете 152.00 ден

