Попот-гостин на ИВЗ веел знаме на „Голема Албанија“ во православни цркви

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Попот-гостин на ИВЗ веел знаме на „Голема Албанија“ во православни цркви

07 август 2025

• од Станча Јаќимовски

Исламската верска заедница (ИВЗ) во Македонија свечено ја отвори новата џамија во селото Татеш, Струшко, но вниманието на јавноста го привлече контроверзниот избор на еден од гостите — Никола Џуфка, самопрогласен поглавар на таканаречената Автокефална православна црква во Косово.

Според порталот Религија.мк, Џуфка не е признаен како легитимен архиепископ од ниту една канонска православна црква, вклучително ни од Албанската православна црква. Тој е познат по својот отворен национализам, често носејќи симболи на „Голема Албанија“ во црковни простори, па дури и украсувајќи олтари и иконостаси со такви мотиви, како што може да се види на неговиот профил на социјалната мрежа „Фејсбук“.

На свеченоста присуствувале и поглаварот на ИВЗ, реисул-улема Х. хафиз Шаќир еф. Фетаи, Генералниот секретар Х. Ирсал еф. Јакупи, муфтии од неколку градови, како и градоначалникот на Струга, Рамиз Мерко.

Присуството на Џуфка предизвика бурни реакции, особено поради неговото проблематично делување во Косово, каде што е обвинет за нелегално присвојување православни цркви кои припаѓаат на Српската православна црква. Косовскиот писател и политичар Ветон Сурои го нарече Џуфка „лажен пророк“ и посочи дека неговото дејствување ги поткопува и верските канони и косовскиот уставен поредок, заснован на планот на Ахтисари.

„Од правен аспект, Џуфка влегува во објекти кои традиционално ѝ припаѓаат на Српската православна црква, што претставува не само светогрдие, туку и директно кршење на уставно-правниот поредок на Косово“, изјави Сурои.

Аналитичарот Агрон Малиќи, пак, саркастично го спореди Џуфка со астронаут, велејќи: „Џуфка е православен свештеник исто колку што јас сум астронаут на НАСА“.

Поканата на ваква контроверзна личност од страна на ИВЗ отвора сериозни прашања за политичката и идеолошка ориентација на верски настани во земјата, особено во еден чувствителен мултиетнички и мултирелигиски контекст каков што е македонскиот. Останува да се види дали ИВЗ ќе понуди објаснување за ваквиот избор на гостин.