Пратеникот Сашко Јанчев: Нема ден да не помислам на сообраќајката, власта води црна пропаганда против мене

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Пратеникот Сашко Јанчев: Нема ден да не помислам на сообраќајката, власта води црна пропаганда против мене

21 декември 2025

• од Станча Јаќимовски

Пратеникот од редовите на Левица, Сашко Јанчев, за кого Обвинителството покрена обвинение поради учество во тешка сообраќајна несреќа со смртни последици, преку објава на Фејсбук изрази жалење за настанот и обвини дека е мета на организирана политичка и медиумска кампања од страна на власта.

„Најпрво, жал ми е за сè што се случи таа вечер. Не поминува ден да не помислам на ова. Веднаш по настанот пружив помош и повикав итна медицинска помош. Направив сè што можеше да се направи“, наведува Јанчев, додавајќи дека Брзата помош пристигнала дури по 50 минути. Тој тврди и дека бил единствениот легален учесник во сообраќајот во моментот на несреќата.

Според него, само неколку часа по инцидентот, власта започнала со, како што вели, координирана политичка пресметка преку медиумите.

„Уште рано наутро преку нивните пропагандни медиуми пуштија вести дека сум бил пијан, дрогиран и дека сум возел бесно. Ништо од ова не е точно. Пуштија и фотографии од скапи, нови возила, сугерирајќи дека сум возел џип. Моето возило е старо 20 години“, пишува Јанчев.

Тој посочува дека истиот ден бил јавно осуден од ВМРО-ДПМНЕ преку партиска прес-конференција, без, како што тврди, да се спомене или повика на одговорност министерот за внатрешни работи или министерот за здравство. Јанчев реагира и на изјави на премиерот, за кои вели дека претставувале директен притисок и најава за обвинителска постапка.

„Оттогаш постојано се обидуваат медиумски да ја одржат темата жива, со цел да наметнат наратив дека јас сум прегазил некого“, наведува пратеникот.

Во објавата, Јанчев тврди и дека пред формирањето на Анкетната комисија за трагедијата во Кочани, пратеници од владејачкото мнозинство му се заканувале дека ќе биде изложен на притисок поради отворањето на таа тема.

„Демек, ако Левица ја отвора темата за Кочани, тие ќе удираат по мене за сообраќајната несреќа, како двете работи да се исти“, наведува тој.

Јанчев нагласува дека во ниту еден момент не се повикал на пратенички имунитет и дека ќе се соочи со постапката.

Инаку, обвинението се однесува на тешката сообраќајна несреќа што се случи на 14 септември по полноќ, во скопското село Марино, кога животот го загуби 16-годишниот Матеј Димовски, а неговата 13-годишна сопатничка беше тешко повредена.