Премиерот со навреди кон бугарскиот колега ја минира европската иднина на земјата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Премиерот со навреди кон бугарскиот колега ја минира европската иднина на земјата

10 јули 2025

• од Станча Јаќимовски

Христијан Мицкоски, предизвика остри реакции со неодамнешната изјава во која го нарече бугарскиот министер за надворешни работи Георг Георгиев „глушец“, а себеси „лав“. Тој го нарече Георгиев и „момче“, алудирајќи дека е без самостојност и инструмент на нечија туѓа волја.

Овој речник не е само личен напад – тој е класичен пример на говор на омраза, деградација и дехуманизација. А кога таков говор доаѓа од највисок политички врв во државата, последиците не се само дипломатски – тие се цивилизациски.

Кога лидерите сеат омраза, државата плаќа цена

Наместо да демонстрира зрелост и дипломатска одмереност во чувствителен момент за меѓусоседските односи, Мицкоски избра да покаже сила преку навреди. Тоа е одлика на слаби лидери, а не на државници. Вистинскиот лав не вика на глушецот – тој стои достоинствено, со свест дека силата се покажува со трпение, не со викање.

Но она што е уште поважно од стилот на изразување е пошироката политичка рамка.

Европа не е арена за навреди – туку за вредности

Северна Македонија не може да стане членка на Европската Унија ако не покаже јасна и доследна посветеност на европските вредности. А тие не се празни зборови на хартија – тие значат почитување на човековото достоинство, одговорна политичка реторика, толеранција, и отфрлање на секој облик на омраза или дискриминација.

Говорот на омраза, особено кога е институционализиран, се смета за еден од најтешките прекршувања на принципите на владеење на правото и демократијата – столбови на Европската Унија. Европската комисија во своите извештаи постојано укажува дека земјите-кандидати мора да демонстрираат практична примена на европските стандарди – не само формално усогласување на закони.

Со вакви изјави, премиерот не само што ја навредува соседна земја и го поттикнува националистичкиот наратив, туку и ја оддалечува Северна Македонија од ЕУ, наместо да ја приближува.

Северна Македонија заслужува европска иднина – не политички театар

Граѓаните на Северна Македонија сакаат подобра иднина, мир, стабилност и перспектива во европското семејство. Тие не гласаа за конфронтации, политичко препукување и деградација на соседите. Европа бара партнери што градат, не што рушат.

Ако Северна Македонија навистина сака да стане дел од ЕУ – мора јасно да покаже дека нејзините лидери зборуваат европски, не со јазикот на омраза, туку со јазикот на одговорност, почит и достоинство.