Превенција на хартија: Кумановските училишта без основна противпожарна инфраструктура

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Превенција на хартија: Кумановските училишта без основна противпожарна инфраструктура

29 март 2025

• од Вардарски

Контролите спроведени во основните и средните училишта во Куманово покажуваат дека образовните установи генерално ги исполнуваат основните законски критериуми за заштита и спасување. Сепак, извештаите укажуваат на еден значаен предизвик – не сите училишта располагаат со функционална хидрантска мрежа.

Според Александар Јовановиќ, раководител на Секторот за образование при Општина Куманово, недостатокот на хидранти е поврзан со технички и инфраструктурни ограничувања. „Не сите објекти имаат услови за инсталирање на ваков систем, но училиштата се снабдени со противпожарни апарати, кои редовно се проверуваат од страна на лиценцирани фирми,“ објаснува Јовановиќ.

И покрај инфраструктурните предизвици, училиштата се активни во превенцијата и подготвеноста за евентуални пожари и други непогоди. Секое училиште има усвоени правилници за заштита и спасување, како и планови за евакуација. Во соработка со отсекот за превенција, се организираат и редовни симулациски вежби со учениците и вработените, со цел навремена и безбедна реакција во кризна ситуација.

Овие вежби се покажаа особено важни по неодамнешните лажни дојави за поставени бомби во неколку училишта во Куманово, кои ја нагласија потребата од постојана подготвеност.

Покрај безбедносните мерки, училиштата во Куманово посветуваат големо внимание и на психолошката поддршка на учениците. Стручните служби – психолози и педагози – секојдневно работат на создавање безбедна и поддржувачка средина за децата. Наставата продолжува непречено, со почитување на сите насоки и препораки од Министерството за образование, донесени по трагичниот настан во Кочани.

Кумановските училишта, и покрај предизвиците, остануваат фокусирани на безбедноста и благосостојбата на учениците, градејќи систем кој постојано се унапредува.