Превозници од ‘српски свет’ најавуваат блокади поради ЕУ правила, наместо поддршка за ЕУ реформи и интеграција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Превозници од ‘српски свет’ најавуваат блокади поради ЕУ правила, наместо поддршка за ЕУ реформи и интеграција

20 јануари 2026

• од Станча Јаќимовски

Наместо јасна поддршка за приближување кон Европа, најавените протести на превозници од Србија, Црна Гора, Босна и Херцеговина и Северна Македонија сè почесто се гледаат како обид да се создаде хаос и недоверба кон европскиот пат на регионот. Според економскиот портал Сербиан Економист, овие здруженија најавија дека од 26 јануари 2026 година ќе почнат со блокади на товарни терминали на граничните премини кон земјите од Шенген-зона.

Како причина се наведува воведувањето на нови гранични правила преку таканаречениот Систем за влез и излез, со кој се бележи кога државјани од земји надвор од ЕУ влегуваат и излегуваат од Шенген. Превозниците тврдат дека возачите ќе бидат третирани како туристи и ќе можат да престојуваат најмногу 90 дена во период од 180 дена. Според нив, тоа ќе им го отежне работењето и ќе создаде проблеми во транспортот.

Но наместо разговор и усогласување со европските правила, се избираат блокади и притисоци. Критичарите предупредуваат дека ваквите акции одат во прилог на структури поврзани со таканаречениот „српски свет“, кои сакаат да ја прикажат Европа како проблем, а не како решение. Со тоа се слабее поддршката за европска интеграција во целиот регион.

Од Европска комисија соопштија дека ја следат ситуацијата и дека се во контакт со земјите од Западен Балкан. Тие нагласија дека правилата за краток престој во Шенген се јасни и дека примената на границите е одговорност на земјите членки. Комисијата потсети дека новиот систем се воведува постепено и дека целосно ќе почне да важи од 10 април 2026 година.

Доколку дојде до блокади, се очекуваат долги колони и доцнења на границите, што може да влијае на испораките на стока во регионот и пошироко. Но уште поголем ризик е политичкиот: продлабочување на недовербата кон Европа и зајакнување на наративи кои ја оддалечуваат Западниот Балкан од неговата европска иднина.