19 септември 2025
• од Станча Јаќимовски
Основното јавно обвинителство Скопје поведе постапка против четири лица од Скопје, осомничени за тешка кражба и сквернавење гроб, поради инцидент што се случи на градските гробишта во Бутел.
Според обвинителството, на 17 септември четворицата осомничени влегле на гробиштата и дошле до алејата на заслужни граѓани. Со употреба на физичка сила ја откорнале и турнале бронзената биста со два човечки лика во седечка положба, која се наоѓала на гробот на познатиот писател и режисер Стале Попов и неговата сопруга Бранка Поповска.
Бистата била цврсто зајакната со анкери, но при обидот да ја отстранат, тие ја разурнале платформата на гробот и го осквернавиле целото место.
Откако ја собориле бистата на земја, осомничените ја влечеле до оградата каде претходно направиле отвор. Преку истиот ја префрлиле на другата страна и ја натовариле во автомобил, со намера да ја присвојат.
Проценетата вредност на бистата, која е сопственост на наследничка на починатите, изнесува околу 320.000 денари.
Јавниот обвинител поднесе предлог до судијата на претходна постапка во Основниот кривичен суд Скопје за определување мерка притвор за сите четворица осомничени. Тие се товарат за кривични дела – Тешка кражба согласно член 236 став 1 точка 1, и Сквернавење гроб според член 400 став 1 од Кривичниот законик.
Ненадминливи Понуди Дневно
4.8 (10276 рецензии)
Заштедете 152.00 ден

