Притвор за напаѓачот на младите фудбалери во Штип

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Притвор за напаѓачот на младите фудбалери во Штип

25 август 2025

• од Станча Јаќимовски

Основното јавно обвинителство во Штип поведе итна постапка против едно лице поради кривично дело – насилство согласно член 386 став 4 во врска со став 3 и став 1 од Кривичниот законик.

Според обвинителството, инцидентот се случил на 24 август на стадионот „Бело Брдо“ во Штип, за време на натпревар меѓу младинските екипи на „Брегалница“ и „Шкупи“. Осомничениот извршил грубо насилство врз двајца фудбалери на „Беласица“, деца родени 2010 година, на кои им нанел телесни повреди.

Како дошло до инцидентот

Во 89-тата минута од натпреварот судијата досудил втор жолт картон за играч на „Шкупи“, кој воедно е син на осомничениот. Исклучувањето од игра предизвикало бурна реакција: најпрво играчот неспортски реагирал со удари кон противнички фудбалер, а потоа на теренот влегол неговиот татко.

Осомничениот започнал да ги удира со тупаници и клоци двајцата млади играчи на „Беласица“, нанесувајќи им повеќе набиеници и скршеница на нос без дислокација. Настанот предизвикал чувство на страв и несигурност кај оштетените, публиката и пошироката јавност.

Присутни лица од трибините влегле на теренот и спречиле понатамошна ескалација.

Реакција на обвинителството

Јавниот обвинител достави предлог до судијата на претходна постапка од Основниот суд во Штип за определување мерка притвор. Како причини се наведуваат сериозноста на делото, опасноста од бегство на осомничениот и можноста за повторување на кривичното дело.