03 мај 2025
• од Вардарски
Основното јавно обвинителство Скопје поведе постапка против едно лице, зет на познатиот Зоки Фаци, поради тешко кривично дело – предизвикување општа опасност, казниво според член 288 став 1 од Кривичниот законик.
Инцидентот се случил на 2 мај, кога осомничениот, кој бил во бракоразводна постапка со сопругата, утрината најпрво запалил викенд-куќа во селото Катланово, а потоа и стан во Скопје, обата во сопственост на неговата (поранешна) сопруга. Претходниот ден, тој телефонски ѝ се заканувал на оштетената и на нивниот син. На денот на инцидентот, со бензин запалил пожар пред влезната врата на куќата, кој брзо се проширил и во внатрешноста.
Не застанувајќи тука, осомничениот се упатил кон Скопје и на сличен начин запалил пожар пред влезната врата на станот. По извршените дела, сам ја известил оштетената дека ги опожарил и двата објекти. Благодарение на брзата реакција на соседите во зградата, пожарот бил навреме изгаснат и спречено било негово ширење кон другите станови.
Обвинителството смета дека делото е извршено со изразена пресметаност и висок степен на кривична одговорност, а дополнително постои и реална опасност од бегство на осомничениот. Затоа, јавниот обвинител достави предлог до судијата на претходна постапка при Основниот кривичен суд Скопје за определување мерка притвор.
Ненадминливи Понуди Дневно
4.8 (10276 рецензии)
Заштедете 152.00 ден

