Продолжува судењето за родилката од Дебар: Без три органи по породување во Струга

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Продолжува судењето за родилката од Дебар: Без три органи по породување во Струга

14 април 2025

• од Вардарски

Во Основниот суд во Струга денеска продолжува судењето за трагичниот случај на Јилдз Веапоска од Дебар – родилка на која по породување со царски рез во Општата болница во Струга ѝ беа отстранети матка, јајник и бубрег.

Овој шокантен настан го потресе јавното мнение и веќе неколку години се влече низ судските инстанци, откако случајот трипати започнуваше од почеток поради промени на судечкиот судија. Делото, според роковите, застарува во 2026 година.

На последното рочиште, одржано пред два месеци, судијата Јордан Јованов донесе одлука на барање на одбраната – Медицинскиот факултет во Скопје да даде објаснување зошто во комисијата која го подготви супер вештачењето биле вклучени и надворешни членови.

Адвокатскиот тим на обвинетите – гинекологот д-р Мухамед Асани, неговиот син д-р Блертон Асани и докторката Лилјана Јованоска – изрази сомнеж во легитимноста на вештачењето, посочувајќи дека комисијата не била целосно составена од професори од Медицинскиот факултет во Скопје. Само еден од членовите потекнувал од оваа институција, додека другите двајца биле од Медицинскиот факултет во Штип и од приватна здравствена установа.

Оштетената Веапоска и денеска повтори дека единствено што бара е – правда. Таа изрази надеж дека токму преку супер вештачењето вистината конечно ќе излезе на виделина.

Инаку, барањето за ова вештачење било испратено уште по рочиштето одржано на 23 април 2023 година, но одговорот од Медицинскиот факултет пристигнал дури по речиси десет месеци.

Судот се одлучи за дополнително вештачење поради спротивставените наоди од досегашните извештаи. Едниот, направен од Институтот за судска медицина на барање на Обвинителството, укажува на сериозни пропусти и погрешни медицински постапки кои довеле до влошување на здравствената состојба на Веапоска. Од друга страна, вештачењето на техничкиот советник, професорот д-р Драге Дабески, тврди дека интервенциите биле неопходни и ѝ го спасиле животот на родилката.

Случајот останува еден од најделикатните процеси во македонското судство и поставува клучни прашања за стручноста, отчетноста и транспарентноста во здравствениот систем. Судската разврска не е само важна за Јилдз Веапоска – таа ќе биде преседан и порака за целото општество.