Проф. Христова остро против Мицкоски: Време е да замине

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Проф. Христова остро против Мицкоски: Време е да замине – Македонија не смее назад

29 мај 2025

• од Вардарски

Професорката по француски јазик на Филолошкиот факултет „Блаже Конески“ при Универзитетот „Св. Кирил и Методиј“, Дореана Христова, со остра реакција на јавната сцена, го осуди лидерот на ВМРО-ДПМНЕ, Христијан Мицкоски, нарекувајќи го „ревизионист“ кој ја искривува реалноста и ја кочи европската иднина на Македонија.

Во својата изјава објавена на социјалните мрежи, Христова потенцира дека Рамковниот договор, постигнат во рамки на преговорите со Европската Унија и ратификуван од сите 27 земји-членки, вклучително и парламентите на Бугарија и Северна Македонија, го има јасно потврдено македонскиот јазик и идентитет.

„Оттогаш прашањата за македонскиот јазик и македонскиот идентитет се апсолвирани и не смее повеќе да се навраќаме на нив“, вели професорката, додавајќи дека Бугарија веќе нема никакви барања во таа насока.

Според Христова, постапките на Мицкоски се неинтелигентни, инатливи и крајно штетни. Таа остро го обвинува дека:

„Бара враќање во рикверц – кон антиевропска државна и национална позиција“
„Нечесно си игра со судбината на македонските граѓани“
„Го окупира премиерското место без заслуги“
„Се однесува неодговорно, правејќи игри без граници со сопствената нација и нејзиното трпение, заедно со она на ЕУ“

Христова завршува со повик до јавноста и институциите за итна реакција, алудирајќи дека „ваквиот однос не смее да остане без одговорност“, и отворено бара Мицкоски да се повлече.

Изјавата предизвика силни реакции на социјалните мрежи и во јавниот дискурс, отворајќи уште една рунда дебати за европската иднина на Македонија и улогата на политичките лидери во тој процес.