Проширена истрага за пожарот во Кочани – Уапсени високи функционери и поранешни министри

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Проширена истрага за пожарот во Кочани – Уапсени високи функционери и поранешни министри

12 април 2025

• од Вардарски

Истрагата за трагичниот пожар во кабарето „Пулс“ во Кочани, кој на 16 март однесе 61 човечки живот, добива сериозен пресврт – уапсени се поранешни министри, директори и високи функционери.

Според информации на „360 степени“, во полициска притвора се најдоа поранешните министри за економија Валјон Сарачини и Беким Незири, како и актуелниот министер без ресор и поранешен директор на Дирекцијата за заштита и спасување (ДЗС), Шабан Салиу. Меѓу уапсените е и актуелниот директор на ДЗС, Џеват Селами, кадар на коалицијата ВЛЕН.

Обвинителството ја проширува истрагата со уште 23 нови осомничени. Од нив, 19 се веќе приведени или во процес на приведување, додека едно лице – Дритон Кучи, поранешен министер за економија и актуелен амбасадор во Кралството Норвешка – моментално не се наоѓа во земјава.

Според изворите блиски до истрагата, сомневањата се дека од 2012 година наваму, во рамките на Министерството за економија и ДЗС, се создадени услови што довеле до трагедијата во „Пулс“. За разлика од овие институции, раководството на Државниот пазарен инспекторат (ДПИ) засега не е опфатено со истрагата.

ОЈО Кочани ја води истражната постапка, а досегашните сознанија укажуваат дека сите поранешни директори на ДЗС и министри за економија од 2012 година до денес се под лупа – и сите, освен актуелниот министер Бесар Дурмиши, веќе се приведени или осомничени.

Истражните органи продолжуваат со работа, а јавноста очекува одговори – дали и како институционалните пропусти придонеле за една од најголемите трагедии во поновата историја на земјава.