Протест на 2 април – ССМ се спротивставува на зголемувањето на минималната плата!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Протест на 2 април – ССМ се спротивставува на зголемувањето на минималната плата!

28 март 2025

• од Гоце Кически

Претседателот на Сојузот за синдикатите на Македонија (ССМ), Слободан Трендафилов, денеска на прес-конференција најави протест за 2 април, кој ќе се одржи на улиците во Скопје. Оваа одлука следи по усвојувањето на информацијата од страна на Владата дека минималната плата ќе биде зголемена за 1.800 денари во нето износ, одлука која, според ССМ, е незаконска.

„ССМ ќе излезе на улица на 2-ри април, онака како што ветивме пред еден месец. Почетокот на јавната седница на органите и телата на ССМ, вклучувајќи ги и синдикатите, ќе биде во 12:05, имајќи предвид дека 5 до 12 одамна помина“, изјави Трендафилов. Според него, Владата еднострано донела одлука за минималната плата, не прифаќајќи ги предлозите на работниците за утврдување на висината на платата.

Трендафилов истакна дека до сега не се воделе преговори со поголемиот дел од гранските синдикати во рамки на ССМ, ниту се разговарало за висините на платите во јавниот сектор, како што е предвидено во општиот колективен договор.

„Не се преговара за функционерски плати и зголемување на платите на вработените во јавниот сектор за 12,6 проценти во нето, односно 12,9 проценти во бруто“, додаде тој.

Претседателот на ССМ обвини дека нападите на синдикатите од политички партии и политички поставени директори се интензивирале, со цел да се подријат процесите кои водат кон подобрување на условите на работниците.

„Политичките партии и директори кои примаат плати од нашите даноци, не се тука за да го подобрат статусот на работниците, туку за да ги намалат платите, да се борат со закани и уцени, а се стремат да создадат нов синдикат кој ќе ги застапува интересите на властодршците, а не на работниците“, рече Трендафилов.

Исто така, Трендафилов информираше дека денеска почнала со работа Комисијата за утврдување на репрезентативност. Според него, единствено ССМ поднел барање за утврдување на репрезентативност на територија, што ќе овозможи синдикатот да учествува во економско-социјалниот совет и да има поголемо влијание во процесите што се однесуваат на правата на работниците.

„ССМ е единствениот синдикат кој бара утврдување на репрезентативноста и ќе продолжи да се бори за подобрување на условите за работниците во јавниот и приватниот сектор“, додаде Трендафилов.

Протестот на 2 април ќе биде значајна демонстрација на незадоволството на работниците и нивната борба за пофункционален социјален дијалог и покачување на платите согласно нивните барања.