Протест на вработените во „Паркови и зеленило“, „Флораком“ и „Луна“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Протест на вработените во „Паркови и зеленило“, „Флораком“ и „Луна“ – бараат плата и награди

25 септември 2025

• од Станча Јаќимовски

Вработените од јавното претпријатие „Паркови и зеленило – Скопје“, како и од неговите подружници „Флораком“ и „Луна“, денеска излегоа на протест пред претпријатието, бараките на Град Скопје и пред канцеларијата на градоначалничката Данела Арсовска. Причината за протестот е доцнењето на исплатата на августовската плата, како и неизвршената исплата на регрес, јубилејни и новогодишни награди.

Барања на вработените

Протестот е организиран во знак на револт заради, како што велат вработените, игнорирањето на нивните права и неисполнување на потпишаната спогодба и колективен договор. Работниците укажуваат дека не се исплатени ниту платите за август, ниту регресот и јубилејната награда за 2022 година, иако роковите одамна се поминати.

„Со години се соочувавме со доцнења од по неколку месеци, но сепак успеавме да ги доближиме разликите. Сега повторно нема исплата и постои ризик наскоро да останеме и без здравствено осигурување,“ изјави претседателот на независниот синдикат на државната администрација, Горан Ристески.

Недостапна градоначалничка и раководство

Синдикалните претставници посочуваат дека веќе еден месец се обидуваат да воспостават контакт со градоначалничката Арсовска, но таа не ги примила на разговор. Исто така, велат дека ниту директорот на „Паркови и зеленило“, кој е одговорен и за „Луна“, не бил достапен.

„Затоа сме принудени да протестираме. Нашето барање е едноставно – исплата на платите и почитување на Законот за работни односи. Ако не се исполнат обврските, ќе продолжиме со протестите, а можно е и радикализирање на мерките,“ порача Ристески.

Тешка состојба и во другите јавни претпријатија

Протестот на вработените доаѓа во време кога и други јавни претпријатија во Скопје се соочуваат со финансиски проблеми, а дел од нив не вршат редовно услуги како што е собирањето на отпадот. „И ова претпријатие едвај врзува крај со крај,“ додаде Ристески.

Претседателот на независниот синдикат на „Паркови и зеленило“, Атанас Георгиевски, истакна дека бараат навремена исплата на сите додатоци кои им следуваат согласно закон. „Нè интересира само нашата плата и средствата кои законски ни припаѓаат,“ потенцира Георгиевски.