Протест под мотото „Дишњето е забрането“: Граѓаните на Струмица бараат решение за загадувањето

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Протест под мотото „Дишњето е забрането“: Граѓаните на Струмица бараат решение за загадувањето

01 февруари 2025

• од Гоце Кически

Денес, под мотото „Дишњето е забрането“, низ главните улици на Струмица ќе се одржи протестен марш, организиран од еколошкото здружение „Здрава Долина“. Градот Струмица е еден од најзагадените во Македонија, каде што секојдневното надминување на дозволените концентрации на фини прашинки стана правило, а оваа грејна сезона трипати беше прогласена вонредна состојба поради алармантно загадување на воздухот.

Според организаторите, системскиот недостиг на решенија го стави Струмица на неславното 7-мо место на листата на најзагадени градови во Европа.

„Ќе ја повикаме јавноста со нашите пораки и ќе побараме од локалната и централната власт да преземат конкретни мерки. Ќе ги посочиме проблемите и ќе предложиме прецизни решенија во име на сите граѓани“, се наведува во јавниот повик за учество во протестот. Шествието ќе помине низ целиот град, а завршната точка ќе биде пред зградата на општина Струмица.

Градоначалникот на Струмица, Костадин Костадинов, преку својот профил на Фејсбук изјави дека не само што го поддржува, туку и ќе учествува во протестот.

„Напорите на локалната и централната власт за намалување на загадувањето, преку конкретни мерки, очигледно не стигнуваат до вистинските субјекти. И покрај континуираната работа на надлежните инспекциски служби, постојат субјекти кои се над законот. Нивните своеволни дејства продолжуваат и покрај извршените проверки и предупредувања,“ напиша Костадинов.

Според резултатите од истражувањето на лабораторијата при Универзитетот „Гоце Делчев“ во Штип, најголем извор на загадување во Струмичката долина е согорувањето на биомаса, кое придонесува со 35% од годишното загадување и особено ги надминува дозволените граници во зимскиот период. Втор значаен извор е автомобилскиот сообраќај.

Протестот има за цел да ја мобилизира јавноста и институциите за конечно да се справат со долгогодишниот проблем на загадувањето и да обезбедат здрава иднина за граѓаните на Струмица.