Протестите продолжуваат: Исплатена плата во ЈП „Паркови и зеленило“, без исплата за Флораком и Луна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Протестите продолжуваат: Исплатена плата во ЈП „Паркови и зеленило“, без исплата за Флораком и Луна

01 октомври 2025

• од Станча Јаќимовски

На 1 октомври 2025 година вработените од ЈП „Паркови и зеленило“ – Скопје, кој е основач и на ДООЕЛ „Флораком“ и ДООЕЛ „Луна“, повторно излегоа на протест. Демонстрацијата започна во 10 часот и траеше до 12 часот на булевар „Илинден“ кај Фонтана (Матично) и на мостот „Гоце Делчев“.

Исплатени плати за дел од работниците

По завршување на протестот, претставниците на вработените информираа дека платата за вработените во ЈП „Паркови и зеленило“ е исплатена. Сепак, платите на нивните колеги од „Флораком“ и „Луна“ сè уште не се исплатени.

Продолжување на работничката борба

Синдикатот и работниците најавија дека доколку до утре не се изврши исплата, протестите ќе продолжат и на 2 октомври 2025 година. Тогаш, на протест повторно ќе излезат вработените од ДООЕЛ „Флораком“ и ДООЕЛ „Луна“ со блокада на булевар „Илинден“ кај Матично во истиот период – од 10 до 12 часот.

Апел за солидарност

Сојузот на синдикати на Македонија (ССМ) преку своја објава на Фејсбук истакна дека работничката борба веќе покажува резултати, но таа мора да продолжи се додека сите вработени не ги добијат своите плати.
„СУТКОЗ, како единствен репрезентативен синдикат за комунални дејности, ги повикува вработените од ЈП „Паркови и зеленило“ – кои денес ја добија својата плата – да останат на штрајк и протест од солидарност, согласно Законот за јавни претпријатија, и да ги поддржат своите колеги од ДООЕЛ „Флораком“ и ДООЕЛ „Луна““, стои во објавата на ССМ.