Радеска: Владата на Мицкоски ги остави мајките и бебињата без пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Радеска: Владата на Мицкоски ги остави мајките и бебињата без пари – породилното доцни и по 30 дена

25 ноември 2025

• од Станча Јаќимовски

Комисијата за здравство на СДСМ остро реагираше на доцнењето на исплатите на породилните надоместоци, обвинувајќи ја Владата предводена од Христијан Мицкоски дека ги довела мајките и новороденчињата во финансиска неизвесност. Според изјавата на Елена Радеска, од партиската Комисија за здравство, породилните надоместоци доцнат по 20 дена, а има случаи во кои жените чекале и над 30 дена за исплата.

Радеска истакнува дека Фондот за здравствено осигурување го признава доцнењето, што, според неа, претставува поразителен однос кон семејствата кои зависат исклучиво од овие средства.

„Понижувачки и нечовечки е мајките да се јавуваат и да молат за исплати, да немаат пари за основни потреби како пелени и млеко. Нема ништо нормално во тоа семејства што живеат само од породилното да останат без денар затоа што ДПМНЕ не си ја врши работата“, предупреди Радеска.

Таа потсети дека вакви доцнења не се случиле ниту во време на светска економска криза, ниту за време на хакерските напади врз системите на Фондот, обвинувајќи ја актуелната влада за „неспособност и расипнички приоритети“.

Во својата реакција Радеска остро праша зошто нема пари за породилните надоместоци, додека, како што тврди, Владата троши на луксузни автомобили, скапи мебел и тендери за блиски фирми.

„Секој ден слушаме за нов скандал, нова злоупотреба, нов непотизам“, додаде таа.

Барања од СДСМ

СДСМ од Владата и Фондот ги постави следните барања:

веднаш да се исплатат сите заостанати породилни надоместоци;
да се воведе фиксен датум на исплата секој месец;
да се објави точната состојба со Фондот за здравство и да се објасни каде завршиле парите предвидени за мајките;
да се одговори дали доцнењата се резултат на неликвидност на државниот буџет.

„СДСМ стои зад овие жени и ќе биде нивниот глас додека Владата ги игнорира. Ќе зборуваме гласно сè додека не се исполнат сите обврски кон секое новороденче и секоја мајка која денес се чувствува изневерена од државата“, порача Радеска.

Според СДСМ, време е власта да престане да избегнува одговорност и да обезбеди редовна и навремена поддршка за мајките и новороденчињата.